ഹിന്ദു സ്ത്രീകളെ ലൈംഗീകമായി അധിക്ഷേപിച്ച് ടെലിഗ്രാം ചാനൽ; പരാതി ലഭിച്ചിട്ടും വകവെക്കാതെ മുംബൈ പോലീസ്; വിവരമറിഞ്ഞതോടെ ചാനൽ പൂട്ടിച്ച് കേന്ദ്രമന്ത്രി അശ്വിനി വൈഷ്ണവ്

ന്യൂഡൽഹി: ഒരു പ്രത്യേക മതവിഭാഗത്തിൽ ഉൾപ്പെടുന്നുവെന്ന കാരണം കൊണ്ട് അത്തരം സ്ത്രീകൾക്കെതിരെ ലൈംഗിക അധിക്ഷേപങ്ങൾ നടത്തുകയും ചൂഷണം ചെയ്യുകയും ചെയ്യുന്ന സംഭവങ്ങൾ സമീപകാലത്ത് റിപ്പോർട്ട് ചെയ്യപ്പെട്ടതാണ്. സോഷ്യൽ മീഡിയയിലും മാദ്ധ്യമങ്ങളിലും അത്തരം വാർത്തകൾ വലിയ കോളിളക്കം സൃഷ്ടിച്ചിട്ടുണ്ട്. അത്തരമൊരു സംഭവമാണ് വീണ്ടുമിപ്പോൾ വാർത്തകളിൽ നിറയുന്നത്.

ടെലിഗ്രാം ചാനലായ ‘ഹിന്ദു രന്ദിയാനിൽ’ ഹിന്ദുക്കളായ സ്ത്രീകളെ മോശമായി ചിത്രീകരിക്കുന്നതായാണ് കണ്ടെത്തിയത്. എന്നാൽ ഹിന്ദു സ്ത്രീകളുടെ ചിത്രങ്ങൾ ചാനലിൽ പങ്കുവെക്കപ്പെടുകയും അവരെ ലൈംഗികമായി അധിക്ഷേപിക്കുകയും ചെയ്ത ചാനലിനെതിരെ കർശന നടപടി സ്വീകരിച്ചിരിക്കുകയാണ് കേന്ദ്രമന്ത്രി അശ്വിനി വൈഷ്ണവ്. സ്ത്രീകളെ അധിക്ഷേപിക്കുക എന്ന ഉദ്ദേശ്യത്തോടെ ഒരിടം ഒരുക്കുകയും സംഘം ചേർന്ന് ഹിന്ദു സ്ത്രീകളെ മോശമായി ചിത്രീകരിക്കുകയും ചെയ്തവർ ഇതോടെ വെട്ടിലായി.

ടെലിഗ്രാം ഉപഭോക്താവായ അൻഷുൽ സക്‌സേന ഇക്കാര്യം പൊതുസമൂഹത്തെ അറിയിക്കുകയും ഇതുമായി ബന്ധപ്പെട്ട് അധികാരികൾ നടപടിയെടുക്കണമെന്ന് ആവശ്യപ്പെട്ട് മുംബൈ പോലീസിനെ ടാഗ് ചെയ്ത് ട്വീറ്റ് രേഖപ്പെടുത്തുകയും ചെയ്തതോടെയാണ് വിഷയം കേന്ദ്രസർക്കാരിന്റെ ശ്രദ്ധയിൽപ്പെട്ടത്. അൻഷുലിന്റെ ട്വീറ്റ് ഏകദേശം 6,000ത്തിലധികം റീ-ട്വീറ്റുകൾ പോയിരുന്നു.

Dear @MumbaiPolice

There is a channel in Telegram named 'Hindu Randiyan'

Link: https://t.co/auMkeZY1gk

This channel is targeting Hindu women, sharing the photos & abusing them.

This Channel was created on June 2021. Kindly act against the culprits who are behind this channel. pic.twitter.com/9w397FkdFQ

— Anshul Saxena (@AskAnshul) January 4, 2022

ഇതോടെ ഐടി മന്ത്രി അശ്വിനി വൈഷ്ണവ് വിഷയത്തിൽ ഇടപെടുകയും നടപടി സ്വീകരിക്കുകയും ചെയ്തു. പ്രസ്തുത ടെലിഗ്രാം ചാനലിനെ ബ്ലോക്ക് ചെയ്തതായും കേന്ദ്രമന്ത്രി അറിയിച്ചു. ട്വിറ്ററിലൂടെയാണ് അദ്ദേഹം ഇക്കാര്യം വ്യക്തമാക്കിയത്. ചാനൽ കൈകാര്യം ചെയ്യുന്നവർക്കെതിരെ നിയമനടപടി സ്വീകരിക്കുമെന്നും മന്ത്രി അറിയിച്ചു.

Channel blocked. Government of India coordinating with police authorities of states for action. https://t.co/kCB6Ys8TI2

— Ashwini Vaishnaw (@AshwiniVaishnaw) January 5, 2022

അതേസമയം വിഷയത്തിൽ മുംബൈ പോലീസ് ഇതുവരെ നടപടി സ്വീകരിക്കുകയോ പ്രതികരിക്കുകയോ ചെയ്തിട്ടില്ല. ടെലിഗ്രാം ചാനൽ റിപ്പോർട്ട് ചെയ്യപ്പെട്ടതും ബ്ലോക്കിലായ വിവരവും സ്‌ക്രീൻഷോട്ട് സഹിതം അൻഷുൽ സക്‌സേന ട്വിറ്ററിൽ പങ്കുവെക്കുകയും ചെയ്തു.

Update: Account reported & removed. pic.twitter.com/5UE9gf8ted

— Anshul Saxena (@AskAnshul) January 5, 2022