ഏതൊരാളെയും തിരിച്ചറിയപ്പെടാൻ സഹായിക്കുന്ന ഒന്നാണ് അവരുടെ പേര്. മക്കൾക്ക് അർത്ഥമുള്ളതും വ്യത്യസ്തവുമായ പേര് നൽകാൻ മാതാപിതാക്കളും ശ്രദ്ധിയ്‌ക്കാറുണ്ട്. മക്കൾക്ക് പേരിടാൻ സോഷ്യൽമീഡിയയുടെ സഹായവും പല മാതാപിതാക്കളും തേടാറുണ്ട്. പേരിനൊപ്പം തന്നെ വിളിക്കാൻ എളുപ്പത്തിന് ഒരു ഓമനപ്പേരും നമ്മൾ കണ്ടുപിടിക്കും. എന്നാൽ ഒരു വെറൈറ്റി പേരിന്റെ കഥയാണ് ഇന്ന് നമ്മൾ പറയാൻ പോകുന്നത്. തനിക്ക് ജനിക്കുന്ന കുഞ്ഞിന് ലോകത്തിലെ തന്നെ ഏറ്റവും വലിയ പേര് നൽകിയിരിക്കുകയാണ് ഒരു അമ്മ.
സാന്ദ്ര വില്ല്യംസ് എന്ന അമ്മ 1984-ലാണ് തന്റെ മകൾക്ക് ഏറ്റവും നീളം കൂടിയ പേര് നൽകിയത്. 1984 സെപ്റ്റംബർ 12 നാണ് ഇവർക്ക് പെൺകുഞ്ഞ് ജനിക്കുന്നത്. സാന്ദ്ര ജനന സർട്ടിഫിക്കറ്റിൽ മകൾക്ക് നൽകിയ പേര് Rhoshandiatellyneshiaunneveshenk Koyaanisquatsiuth William എന്നാണ്. വായിച്ചെടുക്കാൻ പോലും ബുദ്ധിമുട്ടുള്ള ഈ പേരിലും പെൺകുട്ടിയുടെ മാതാപിതാക്കൾ തൃപ്തരല്ലായിരുന്നു. എന്നാൽ മൂന്നാഴ്ചയ്‌ക്ക് ശേഷം 36 അക്ഷരമുള്ള മറ്റൊരു പേരും ഈ പേരിനൊപ്പം സാന്ദ്ര ചേർത്തു.
അതുകൊണ്ട് തന്നെ അവർ പേരിന് ഒരു ഭേദഗതി ഫയൽ ചെയ്യുകയും 36 അക്ഷരങ്ങളുടെ മധ്യനാമവും ചേർത്തു. ഇതോടെ കുട്ടിയുടെ പേരിൽ 1019 അക്ഷരങ്ങളും വന്നു. കുട്ടിയുടെ പേര് ഇത്രയും നീളം കൂടിയത് ആയതിനാൽ അവളെ സുഹൃത്തുക്കൾ വിളിയ്‌ക്കുന്നത് ജാമി എന്നാണ്. ഒരുപാട് കഷ്ടപ്പെട്ടാണ് ജാമി തന്റെ സ്വന്തം പേര് പഠിച്ചെടുത്തത്. പേര് ആദ്യം റെക്കോർഡ് ചെയ്ത് ആവർത്തിച്ച് കേട്ടാണ് ഈ പേര് പഠിച്ചെടുത്തത്.
ജാമിയുടെ ജനനസർട്ടിഫിക്കറ്റ് രണ്ട് അടി നീളമുള്ളതാണ്. വില്യംസിന്റെ കുടുംബം ഗിന്നസ് റെക്കോർഡ് തകർത്തതിന് ശേഷം, ടെക്സാസ് അതിന്റെ നിയമം തന്നെ മാറ്റി. ജനന സർട്ടിഫിക്കറ്റ് ഫോമിലെ ‘പേര്’ ബോക്‌സിൽ കൊള്ളാവുന്ന പേര് മാത്രമേ കുട്ടികൾക്ക് നൽകാവൂ എന്നായിരുന്നു നിയമം.
ഈ പേരിനെ കുറിച്ച് എന്താണ് ചിന്തിക്കുന്നത് എന്ന് പലരും ജാമിയുടെ മാതാപിതാക്കളോട് ചോദിച്ചിട്ടുണ്ട്. ഗിന്നസ് വേൾഡ് റെക്കോർഡ് തകർക്കാൻ എനിക്ക് എന്തെങ്കിലും ചെയ്യേണ്ടിയിരുന്നു. അവളുടെ പേര് ആർക്കും ഇല്ലാത്ത തരത്തിലുള്ളതാവണമെന്നും അവളുടെ പേര് മറ്റാരുടെയും പോലെയാകരുത് എന്നും ഞാനാഗ്രഹിച്ചു. അത് വ്യത്യസ്തമാവണം എന്നും ഗിന്നസ് വേൾഡ് റെക്കോർഡിൽ ഇടം നേടണമെന്നും ഞാനാഗ്രഹിച്ചു.അതിനാലാണ് ഇത്തരത്തിലെ പേര് നൽകിയതെന്ന് സാന്ദ്ര പറയുന്നു.
ഇതാണ് ജെയ്മിയുടെ സർട്ടിഫിക്കറ്റിൽ നൽകിയ പേര്
Rhoshandiatellyneshiaunneveshenkescianneshaimondrischlyndasaccarnaerenquellenendrasame cashaunettethalemeicoleshiwhalhinive’onchellecaundenesheaalausondrilynnejeanetrimyranae kuesaundrilynnezekeriakenvaunetradevonneyavondalatarneskcaevontaepreonkeinesceellavia velzadawnefriendsettajessicannelesciajoyvaelloydietteyvettesparklenesceaundrieaquenttae katilyaevea’shauwneoraliaevaekizzieshiyjuanewandalecciannereneitheliapreciousnesceverron eccaloveliatyronevekacarrionnehenriettaescecleonpatrarutheliacharsalynnmeokcamonaeloiesaly nnecsiannemerciadellesciaustillaparissalondonveshadenequamonecaalexetiozetiaquaniaen glaundneshiafrancethosharomeshaunnehawaineakowethauandavernellchishankcarlinaa ddoneillesciachristondrafawndrealaotrelleoctavionnemiariasarahtashabnequckagailenaxe teshiataharadaponsadeloriakoentescacraigneckadellanierstellavonnemyiatangoneshiadian acorvettinagodtawndrashirlenescekilokoneyasharrontannamyantoniaaquinettesequio adaurilessiaquatandamerceddiamaebellecescajamesauwnneltomecapolotyoa johny aetheodoradilcyana.
