പുഷ് അപ്പ് എടുക്കുന്നത് അത്ര പുതുമയുള്ള കാര്യമല്ലെങ്കിലും, അതിശൈത്യത്തിൽ പുഷ് അപ്പ് എടുക്കുന്നത് അൽപം ശ്രമകരമായ കാര്യമാണ്. അത്തരമൊരു വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
40 seconds. 47 push ups.
Bring it ON.#FitIndiaChallenge@FitIndiaOff@IndiaSports
@@PIBHomeAffairs pic.twitter.com/dXWDxGh3K6— BSF (@BSF_India) January 22, 2022
40 സെക്കൻഡിനുള്ളിൽ 47 പുഷ് അപ്പ് എടുക്കുന്ന ബിഎസ്എഫ് ജവാനാണ് വീഡിയോയിലുള്ളത്. ഫിറ്റ് ഇന്ത്യ ചലഞ്ച് എന്ന ടാഗ്ലൈനോടെ ബിഎസ്എഫിന്റെ ഔദ്യോഗിക ട്വിറ്റർ പേജിൽ പങ്കുവെച്ച ദൃശ്യങ്ങളാണിത്. നാൽപത് സെക്കൻഡ് മാത്രം ദൈർഘ്യമുള്ള ഈ വീഡിയോയിൽ കനത്ത മഞ്ഞുവീഴ്ചയിലും അതിർത്തി കാക്കുന്ന ഉദ്യോഗസ്ഥൻ വ്യായാമം ചെയ്യുന്നത് കാണാൻ സാധിക്കും. വെറും സെക്കൻഡുകൾ മാത്രമുള്ള വീഡിയോ നിരവധിയാളുകളാണ് പങ്കുവെച്ചത്.
കശ്മീരിലെ അതിശൈത്യത്തിലും സൈനികരുടെ ശാരീരികക്ഷമതയും ആരോഗ്യവും നിലനിർത്താൻ വ്യായാമമുറകൾ ദിനചര്യയാണ്. ജനങ്ങളുടെ ആരോഗ്യസംരക്ഷണത്തിന് പ്രധാനമന്ത്രി നരേന്ദ്രമോദി പ്രത്യേക താൽപര്യമെടുത്ത് ആവിഷ്കരിച്ച ഫിറ്റ് ഇന്ത്യ മൂവ്മെന്റിന് വലിയ സ്വീകാര്യതയാണ് ഇതിനോടകം ലഭിച്ചത്. ഇതിന്റെ ഭാഗമായി നേരത്തെയും സൈനികരുടെ വ്യായാമ ദൃശ്യങ്ങൾ സോഷ്യൽ മീഡിയയിൽ പങ്കുവെയ്ക്കപ്പെട്ടിരുന്നു. ഇതിനൊപ്പമാണ് പുഷ് അപ്പ് വീഡിയോയും ബിഎസ്എഫ് ട്വീറ്റ് ചെയ്തത്. വീഡിയോ പ്രചരിച്ചതോടെ പല ട്വിറ്റർ അക്കൗണ്ടുകളും പുഷ് അപ്പ് ചലഞ്ചായി ഇത് ടാഗ് ചെയ്തിട്ടുണ്ട്
