ലോകത്ത് കൊറോണ മഹാമാരി കുതിച്ചുയരുകയാണ്. നമ്മുടെ രാജ്യത്തടക്കം രോഗ ബാധ അതി രൂക്ഷമായി പടരുകയാണ്. ഈ സാഹചര്യത്തിൽ മനുഷ്യരാശി ഒന്നടങ്കം തിരയുന്നത് വൈറസ് ബാധിക്കാതിരിക്കാനുള്ള ഒരു ഉപാധിയാണ്. പല പല ഉത്തരങ്ങൾ ഗവേഷകർ ഇതിനോടകം നൽകിയിട്ടുണ്ടെങ്കിലും ഈ ഉത്തരം അൽപ്പം വ്യത്യസ്തമാണ്.
കൊറോണ മഹാമാരിയെ ഒരു പരിധി വരെ പ്രതിരോധിക്കാൻ റെഡ് വൈനിന് സാധിക്കുമെന്നാണ് പുതിയ പഠനം വ്യക്തമാക്കുന്നത്. ഒരാഴ്ചയിൽ അഞ്ച് ഗ്ലാസ് റെഡ് വൈൻ കുടിക്കുന്നവർക്ക് കൊറോണ പിടിപെടാതിരിക്കാൻ 17 ശതമാനം സാധ്യതയുണ്ടെന്നാണ് പഠനം വ്യക്തമാക്കുന്നത്. വൈനിൽ അടങ്ങിയിരിക്കുന്ന പോളിഫെനോളാണ് വൈറസിനെ പ്രതിരോധിക്കാൻ സഹായിക്കുന്നത്. കൊറോണ മൂലമുണ്ടാകുന്ന പനിയെയും ശ്വാസകോശ സംബന്ധമായ അസുഖത്തെയും ഒരു പരിധി വരെ തടയാൻ പോളിഫെനോളിന് കഴിയുമെന്നാണ് പഠനത്തിന് നേതൃത്വം നൽകിയ ഗവേഷകർ പറയുന്നത്.
വൈറ്റ് വൈൻ കുടിക്കുന്നവർക്കും ചെറിയ രീതിയിൽ പ്രതിരോധ ശേഷി ലഭിക്കുന്നു. ആഴ്ചയിൽ നാല് ഗ്ലാസ് എങ്കിലും വൈറ്റ് വൈൻ കുടിക്കുന്നവർക്ക് കൊറോണ പിടിപെടാതിരിക്കാൻ 8 ശതമാനം സാധ്യതയുണ്ട്. ഇത് ഇത്രയുമാണ് വൈൻ കുടിക്കുന്നവരുടെ കാര്യം. എന്നാൽ ബിയർ കുടിക്കുന്നവർക്ക് ഒരു ദുഃഖ വാർത്തയാണുള്ളത്. ബിയർ കുടിക്കുന്നവർക്ക് കൊറോണ പിടിപെടാനുള്ള സാധ്യതയാണ് കൂടുതൽ. ഇവർക്ക് കൊറോണ വരാനുള്ള സാധ്യത 28 ശതമാനം കൂടുതലാണ്.
വൈറസിനെ പ്രതിരോധിക്കാനുള്ള ഒരു മാർഗമാണ് സാനിറ്റൈസർ. ഇതിൽ അടങ്ങിയിട്ടുള്ള പ്രധാന വസ്തുവാണ് ആൽക്കഹോൾ. മദ്യത്തിലും ഇതേ ആൽക്കഹോളിന്റെ പതിപ്പാണുള്ളത്. എന്നാൽ മദ്യം കുടിക്കുന്നവർക്കും കൊറോണ പിടിപെടാനുള്ള സാധ്യത വളരെ കൂടുതലാണ്.
ഏകദേശം 4,73,957 ആളുകളെ ഉൾപ്പെടുത്തിയാണ് പഠനം സംഘടിപ്പിച്ചത്. അതിൽ കുറച്ച് ആളുകൾ റെഡ് വൈൻ കുടിക്കുന്നവരും, കുറച്ച് പേർ വൈറ്റ് വൈൻ, ബിയർ എന്നിവ കുടിക്കുന്നവരുമാണ്. ഇവയൊന്നും കുടിക്കാത്ത ആളുകളെയും പഠനത്തിനായി ഉൾപ്പെടുത്തിയിരുന്നു.
Comments