സിഡ്‌നി: ജോക്കോവിച്ച് സംഭവങ്ങളിൽ മുങ്ങിയ ഓസ്‌ട്രേലിയൻ ഓപ്പൺ സെമിഫൈനൽ ഘട്ടത്തിലേക്ക് നീങ്ങുന്നു. ഇന്ന് നടക്കുന്ന പുരുഷവിഭാഗം സെമിയിൽ റഫേൽ നദാലും മെഡ് വദേവും എതിരാളികളുമായി ഏറ്റുമുട്ടും.
ടൂർണ്ണമെന്റിൽ ആറാം സീഡായ നദാലിന്റെ എതിരാളി ഏഴാം സീഡായ ബരേറ്റിനിയാണ്. രണ്ടാം സെമിയിൽ രണ്ടാം സീഡ് മെഡ്‌വെദേവിന്റെ എതിരാളി നാലാം സീഡ് സിറ്റ്‌സിപാസാണ്. ക്വാർട്ടറിൽ ഷാപ്പാലോവിനെ മാരത്തോൺ മത്സരത്തിലാണ് നദാൽ പുറത്താക്കിയത്. 6-3,6-4, 4-6, 3-6,6-3 എന്ന നിലയിലാണ് നദാൽ മത്സരം തിരികെ പിടിച്ചത്. അഗർ അലിയാസമി- മെഡ് വെദേവ് പോരാട്ടവും അഞ്ചു സെറ്റുനീണ്ടു.
വനിതാ വിഭാഗത്തിൽ രണ്ടു സെമിഫൈനലുകളും ഇന്ന് നടക്കും. ഒന്നാം സീഡ് ഓസ്‌ട്രേലിയയുടെ ലോക ഒന്നാം നമ്പർ ആഷ്‌ലി ബാർട്ടി അമേരിക്കയുടെ മാഡിസൺ കെയ്‌സിനെ നേരിടുമ്പോൾ രണ്ടാം സെമിയിൽ അമേരിക്കയുടെ ഡാനിയേല കോളിൻസ് ഏഴാം സീഡ് പോളണ്ടിന്റെ ഇഗാ സ്വായിതീക്കിനെ നേരിടും. ക്വാർട്ടറിൽ പെഗൂലയെ 6-2, 6-0ന് പുറത്താക്കിയാണ് ആഷ്‌ലീ ബാർട്ടി സെമിയിലേക്ക് മുന്നേറിയത്.
