ബംഗളൂരു: നഗരമദ്ധ്യത്തിൽ ഫോൺ തട്ടിക്കടന്ന കള്ളനെ ഓടിച്ചിട്ടുപിടിച്ച പോലീസുദ്യോഗസ്ഥന് അംഗീകാരം. മംഗലാപുരത്ത് സബ് ഇൻസ്പെക്ടറായ വരുൺ അൽവയാണ് സാഹസികമായി കള്ളനെ കീഴടക്കിയത്. ഫോൺ തട്ടിയ സംഘാംഗങ്ങളുടെ കൂട്ടത്തിൽ നിന്നാണ് വരുൺ കള്ളനെ പിടികൂടിയത്. പൊതു ജനസേവനത്തിൽ കാണിച്ച ജാഗ്രത ട്വിറ്റർ വീഡിയോയിലൂടെ വൈറലായി. പോലീസുദ്യോഗസ്ഥന്റെ ജാഗ്രതയേയും സാഹസികതയേയും അഭിനന്ദിച്ച പോലീസ് കമ്മീഷണർ പതിനായിരം രൂപ പാരിതോഷികവും നൽകി.
#Karnataka #WATCH #Mangaluru Assistant Police Sub-Inspector Varun chase and nab a robber who had snatched away mobile phone from a man who was resting. @IndianExpress @DarshanDevaiahB pic.twitter.com/SbXlFTcMJM
— Kiran Parashar (@KiranParashar21) January 13, 2022
പ്രേം നാരായൺ യോഗി എന്ന വ്യക്തിയുടെ ഫോണാണ് മംഗലാപുരം നെഹ്റു പാർക്കിൽ വെച്ച് ഒരു സംഘം തട്ടിയെടുത്ത് കടന്നത്. ഗ്രാനൈറ്റ് ജോലിചെയ്യുന്ന യോഗി ഒച്ചവെച്ചതോടെ അവിടെയുണ്ടായിരുന്ന ചിലർ കള്ളന്മാരുടെ പുറകേയോടി. സംഭവം അറിഞ്ഞെത്തിയ പോലീസ് നടത്തിയ തെരച്ചിലിൽ സംശയം തോന്നിയ ആളിനടത്തേക്ക് നീങ്ങിയതോടെ സംഘം ചിതറി ഓടുകയായിരുന്നു. ഇതോടെ പുറകേ പാഞ്ഞ വരുൺ നഗരമദ്ധ്യത്തിൽ വാഹനങ്ങൾക്കിടയിലൂടെ പാഞ്ഞ കള്ളനെയാണ് നിലത്തുവീഴ്ത്തി പിടികൂടിയത്.
ട്വിറ്ററിലൂടെ കള്ളന് പിന്നാലെ പായുന്ന പോലീസുദ്യോഗസ്ഥന്റെ വീഡിയോ ഒരു സിനിമ പോലുള്ള ദൃശ്യമായാണ് ചിത്രീകരിച്ചിരിക്കുന്നത്. നിലത്തുവീണയാളുടെ മേൽ ഇരുവശത്തും കാൽ മുട്ടുകുത്തി കള്ളന്റെ കൈകൾ ഇരുവശത്തേക്കും വലിച്ചുവച്ചാണ് വരുൺ ചോദ്യംചെയ്തത്. നാട്ടുകാരായ ചിലരെത്തി കള്ളനെ കീഴ്പെടുത്താൻ സഹായിക്കുന്നതും വീഡിയോവിലുണ്ട്. കള്ളന്റെ പോക്കറ്റിൽ നിന്നും ഫോൺ മറ്റൊരാൾ എടുത്ത് വരുണിന് കൈമാറുന്നതും ദൃശ്യത്തിൽ കാണാം.
Comments