ന്യൂഡൽഹി; രാജ്യത്ത് പ്രതിദിന രോഗികളിൽ വീണ്ടും നേരിയ കുറവ് രേഖപ്പെടുത്തി. കഴിഞ്ഞ 24 മണിക്കൂറിനിടെ 2,34,281 പേർക്കാണ് രോഗം സ്ഥിരീകരിച്ചത്. 3,52,784 പേർ രോഗമുക്തിയും നേടി. ചികിത്സയിൽ കഴിയുന്നവരുടെ എണ്ണം 18,84,937 ആയി. 1,19,396 സജീവ രോഗികളാണ് ഇന്നലത്തേക്കാൾ കുറഞ്ഞത്.
അതേസമയം മരണനിരക്ക് കൂടുതലാണ്. കഴിഞ്ഞ 24 മണിക്കൂറിനിടെ 893 മരണം സ്ഥിരീകരിച്ചു. 14.50 ശതമാനമാണ് പ്രതിദിന ടെസ്റ്റ് പോസിറ്റിവിറ്റി നിരക്ക്. 165.70 കോടി വാക്‌സിൻ ഡോസുകൾ ഇതുവരെ വിതരണം ചെയ്തതായും കേന്ദ്ര ആരോഗ്യമന്ത്രാലയം അറിയിച്ചു.
മൂന്നാം തരംഗത്തിന്റെ മൂർദ്ധന്യാവസ്ഥ കുറഞ്ഞ് വരികയാണെന്നാണ് ആരോഗ്യവിദഗ്ധരുടെ വിലയിരുത്തൽ. എന്നാൽ കേരളത്തിൽ കൊറോണ വ്യാപനത്തിന്റെ മൂന്നാം തരംഗം ഇപ്പോഴും തുടരുകയാണ്. ദിവസേന അരലക്ഷത്തിൽ കൂടുതൽ രോഗികളാണ് സംസ്ഥാനത്ത് റിപ്പോർട്ട് ചെയ്യുന്നത്.
