നദാൽ ചരിത്രം; കൂടുതൽ ഗ്രാൻഡ്സ്ലാം കിരീടം നേടുന്ന താരമായി റാഫേൽ നദാൽ

മെൽബൺ: പുരുഷ ടെന്നീസിൽ ചരിത്രം കുറിച്ച് സ്പാനിഷ് താരം റാഫേൽ നദാൽ. ഓസട്രേലിയൻ ഓപ്പൺ കിരീടം സ്വന്തമാക്കിയാണ് റാഫേൽ ഈ ചരിത്ര നേട്ടം കൈവരിച്ചത്. ഫൈനലിൽ റഷ്യയുടെ ലോക രണ്ടാം നമ്പർ താരം ഡാനിൽ മെദ്‌വെദേവിനെ തകർത്താണ് നദാൽ കിരീടം സ്വന്തമാക്കിയത്. ടെന്നീസിൽ 21 ഗ്രാൻഡ്സ്ലാം കിരീടം നേടുന്ന ആദ്യ പുരുഷതാരം എന്ന റെക്കോർഡാണ് നദാൽ കരസ്ഥമാക്കിയത്. റോജർ ഫെഡറർ, നൊവാക് ജോക്കോവിച്ച് എന്നിവരെ മറികടന്നാണ് നദാൽ ചരിത്ര നേട്ടം കുറിച്ചത്.

ഇന്നത്തെ മത്സരത്തിൽ ആദ്യ രണ്ട് സെറ്റും മെദ്വദേവ് നേടിയിരുന്നു. 6-2 7-6 എന്ന സ്‌കോറിനായിരുന്നു മെദ്വദേവ് സെറ്റെടുത്തത്. പിന്നീട് തിരിച്ചടിയായി മൂന്ന് സെറ്റുകൾ നേടിക്കൊണ്ട് നദാൽ മത്സരത്തിൽ തിളങ്ങി. 2-6, 6-7, 6-4, 7-5 എന്നിങ്ങനെയായിരുന്നു സ്‌കോർ.

ഓസ്‌ട്രേലിയൻ ഓപ്പണിൽ നദാലിന്റെ രണ്ടാമത്തെ കിരീടമാണിത്. ഇതിന് മുൻപ് 2009ലും താരം കിരീടം സ്വന്തമാക്കിയിരുന്നു. ആ മത്സരത്തിൽ റോജർ ഫെഡറെ പരാജയപ്പെടുത്തിയാണ് നദാൽ നേട്ടം കൈവരിച്ചത്.