കാർഷിക മേഖലയ്ക്ക് ഉണർവേകാൻ പുതിയ പദ്ധതികളുമായി കേന്ദ്ര ബജറ്റ്. രാജ്യത്ത് ജൈവരീതിയിലുള്ള കൃഷിക്ക് കൂടുതൽ പ്രധാന്യം നൽകും.ഗംഗാ നദിയുടെ 5 കിലോമീറ്റർ വീതിയുള്ള ഇടനാഴികളിൽ കർഷകരുടെ ഭൂമി കേന്ദ്രീകരിച്ച് രാസരഹിത പ്രകൃതിദത്ത കൃഷി രാജ്യത്തുടനീളം പ്രോത്സാഹിപ്പിക്കും.
കാർഷികോൽപ്പന്ന സംഭരണത്തിനായി 2.73 ലക്ഷം കോടി വകയിരുത്തി.കൃഷിക്ക് സഹായമേകാൻ കിസാൻ ഡ്രോണുകൾ കൂടി പങ്കു ചേരും.2021 റാബി സീസണിലെ ഗോതമ്പ് സംഭരണവും 2021-22 ഖാരിഫ് സീസസണിലെ നെല്ല് സംഭരിക്കുന്നതിനും 163 ലക്ഷം കർഷകരിൽ നിന്ന് 1208 ലക്ഷം മെട്രിക് ടൺ ഗോതമ്പും നെല്ലും നൽകും 2.37 ലക്ഷം കോടി രൂപ അവർക്ക് എംഎസ്പി മൂല്യം നേരിട്ട് നൽകുമെന്ന് കേന്ദ്ര ധനമന്ത്രി പ്രഖ്യാപിച്ചു. ഗ്രാമീണ കൂട്ടായ്മയിലൂടെ കൃഷിയും വ്യവസായവും സംയോജിപ്പിക്കും.
പ്രകൃതി കൃഷി, സീറോ ബജറ്റ്-ജൈവകൃഷ, ആധുനിക കൃഷി എന്നിവയുടെ വളർച്ചയ്ക്കായി കാർഷിക സർവ്വകലാശാലകളുടെ സിലബസ് പരിഷ്ക്കരിക്കാൻ സംസ്ഥാനങ്ങളെ പ്രോത്സാഹിപ്പിക്കുമെന്ന് ധനമന്ത്രി കൂട്ടിച്ചേർത്തു.കാർഷിക മേഖലയിൽ സ്റ്റാർട്ടപ്പുകൾ ആരംഭിക്കുമെന്ന് മന്ത്രി പ്രഖ്യാപിച്ചു
കീടനാശിനികളെ ഒഴിവാക്കി ജൈവകൃഷിക്ക് നൽകുന്ന പ്രാധാന്യം നൽകുന്നതിലൂടെയാണ് രാജ്യം പരിസ്ഥിതി രംഗത്തും ഉത്തരവാദിത്വം നിറവേറ്റുക. ജൈവകാർഷിക മേഖലകളെ സഹായിക്കുന്ന വ്യവസായങ്ങൾക്കും കാർഷിക സ്ഥാപനങ്ങൾക്കും സഹായം നൽകും. രാജ്യത്തെ പരസ്ഥിതി സംരക്ഷണത്തിന് നേരിട്ട് ഗുണകരമാവുന്ന വ്യവസായങ്ങൾക്കും 25000 മെഗാവാട്ട് സൗരോർജ്ജപദ്ധതിക്കായി സഹായം നൽകുമെന്നും ധനകാര്യമന്ത്രി പറഞ്ഞു.
Comments