ന്യൂഡൽഹി: രാജ്യത്തെ ആരോഗ്യമേഖലയെ ഒറ്റ ശൃംഖലയാക്കി മാറ്റിക്കൊണ്ടുള്ള വികസനം പ്രഖ്യാപിച്ചതിനെ പ്രശംസിച്ച് കേന്ദ്ര ആരോഗ്യമന്ത്രി മൻസുഖ് മാണ്ഡവ്യ. ഇന്ത്യയുടെ ആരോഗ്യ മേഖല ഏറ്റവും വലിയ പ്രതിസന്ധികളെ തരണം ചെയ്യുന്നതിന് കേന്ദ്രസർക്കാർ നൽകുന്ന പിന്തുണയ്ക്കും ആരോഗ്യമന്ത്രി നന്ദി അറിയിച്ചു.
രാജ്യത്തെ ആരോഗ്യമേഖലയെ ഡിജിറ്റൽ സംവിധാനങ്ങളിലൂടെ ഏകോപിപ്പിച്ചുകൊണ്ട് ആരോഗ്യപരിരക്ഷാ സംവിധാനം എന്ന ലക്ഷ്യം പൂർത്തീകരിക്കാനുള്ള പിന്തുണയ്ക്കും ആരോഗ്യവകുപ്പ് നന്ദി അറിയിച്ചു. രാജ്യത്തെ എല്ലാ ആശുപത്രികളേയും മറ്റ് ചികിത്സാസംവിധാനങ്ങളേയും ആർക്കും കണ്ടെത്താനും ഉപയോഗിക്കാനുമുള്ള ഏക ജാലക സംവിധാനമാണ് അതിവേഗം നടപ്പാക്കുന്നത്. ആരോഗ്യ രജിസറ്റർ എന്ന നൂതന സംവിധാനം പൂർത്തിയാകുന്നതോടെ കേന്ദ്രസർക്കാർ വിപ്ലവം സൃഷ്ടിക്കുമെന്നും മാണ്ഡവ്യ പറഞ്ഞു.
ആരോഗ്യരക്ഷാ കാർഡുകളുടെ ഉപയോഗം സാധാരണക്കാരനെ ഏറെ സഹായിക്കുന്നതാണ്. അതോടൊപ്പം ആഗോളതലത്തിലെ ചികിത്സാ സംവിധാനങ്ങളെ ഇന്ത്യയിലെ സംവിധാന ങ്ങളുമായി കൂട്ടിയിണക്കുന്ന പദ്ധതിക്കും ഇത്തവണ നീക്കിയിരുപ്പ് വരുത്തിയതും മാണ്ഡവ്യ എടുത്തുകാട്ടി.
