വാഷിംഗ്ടൺ: കേന്ദ്ര ബജറ്റിനെ പ്രശംസിച്ച് യുഎസ്-ഇന്ത്യ സ്ട്രാറ്റജിക് പാർട്ണർഷിപ്പ്ഫോറം. കേന്ദ്ര ബജറ്റ് അവതരിപ്പിച്ചതിന് ധനമന്ത്രി നിർമ്മലാ സീതാരാമനെയും കേന്ദ്രസർക്കാറിനെയും ഫോറം അഭിനന്ദിച്ചു. രാജ്യത്ത് ധനകമ്മി ദേഷം ചെയ്യരുത് എന്നതാണ് പ്രധാനപ്പെട്ട കാര്യം. അത് സർക്കാർ പിന്തുടരുന്നു. നല്ലകാര്യം, നിലവിലെ സാഹചര്യത്തിൽ മികച്ച ബജറ്റാണ് അവതരിപ്പിച്ചതെന്ന് ഫോറം അഭിപ്രായപ്പെട്ടു. നിലവിലെ സാഹചര്യത്തിൽ കൃത്യതയാർന്നതും പ്രായോഗികവുമായ ബജറ്റാണ് ഇതെന്ന് യുഎസ്-ഇന്ത്യ സ്ട്രാറ്റജിക് പാർട്ണർഷിപ്പ് ഫോറം പ്രസിഡന്റും സിഇഒയുമായ മുകേഷ് ആഗി പറഞ്ഞു.
കൊറോണയും പണപ്പെരുപ്പവും ലോകത്താകമാനം ഇപ്പോഴും നിലനിൽക്കുന്നുണ്ട്. ഈ അവസ്ഥ അംഗീകരിച്ചുകൊണ്ടുള്ള ജാഗ്രത ബജറ്റിൽ കാണാമെന്നും അദ്ദേഹം കൂട്ടിച്ചേർത്തു. ബജറ്റിൽ മൂലധന ചെലവിൽ 35 ശതമാനത്തോളം വർദ്ധനവ് വരുത്തിയതിൽ ഏറെ സന്തോഷമുണ്ടെന്നും ഇത് വ്യവസായങ്ങളെയും നിക്ഷേപങ്ങളെയും കൂടതൽ പ്രോത്സാഹിപ്പിക്കുകയും ആകർഷിക്കുകയും ചെയ്യുമെന്ന് അദ്ദേഹം ചൂണ്ടിക്കാട്ടി.
മൂലധന ചെലവിൽ വർദ്ധനവ് വരുത്തിയത് അടിസ്ഥാന സൗകര്യ വികസനത്തിലെ നിക്ഷേപത്തെ പിന്തുണയ്ക്കുകയും ധാരാളം തൊഴിലവസരങ്ങൾ സൃഷ്ടിക്കുകയും ചെയ്യും. കാലാവസ്ഥ വ്യതിയാനത്തിനെതിരായ പോരാട്ടത്തിന് നേതൃത്വം നൽകാനുള്ള ഇന്ത്യയുടെ ആഗ്രഹം അദ്ദേഹം സ്വാഗതം ചെയ്തു.
മെയ്ക്ക് ഇൻ ഇന്ത്യയുമായി ബന്ധപ്പെടുത്തി സോളാർ സാങ്കേതിക വിദ്യയിലും മറ്റുള്ളവയിലുമുള്ള പിഎൽഐ സ്കീമുകളിലൂടെയും നിക്ഷേപങ്ങളിലൂടെയും കാലാവസ്ഥ വ്യതിയാനത്തിനെതിരായി പോരാടാനാണ് ഇന്ത്യയുടെ നീക്കം. ഭാവി മുന്നിൽ കണ്ടുകൊണ്ട് വളർച്ചയുടെ പാത പുനരുജ്ജീവിപ്പിക്കാനുള്ള സർക്കാറിന്റെ നയത്തെ അഭിനന്ദിക്കുന്നുവെന്നും യുഎസും ഇന്ത്യയും തമ്മിൽ ഏറ്റവും ശക്തമായ ബന്ധം സൃഷ്ടിക്കാൻപ്രതിജ്ഞാബന്ധമാണെന്നും അദ്ദേഹം കൂട്ടിച്ചേർത്തു.
ഇന്നലെയാണ് ധനമന്ത്രി നിർമ്മല സീതാരാമൻ കേന്ദ്രബജറ്റ് അവതരിപ്പിച്ചത് 25 വർഷത്തേക്കുള്ള ബ്ലൂ പ്രിന്റെന്ന വിശേഷണത്തോടെ അവതരിപ്പിച്ച ബജറ്റിന് ബജറ്റിന് വിവിധ കോണുകളിൽ നിന്ന് പിന്തുണയേറി വരികയാണ്.
