ചെന്നൈ: തമിഴ്നാട്ടിലെ ബി.ജെ.പി സംസ്ഥാന അദ്ധ്യക്ഷൻ അണ്ണാമലൈയുടെ പൊതുവേദികളിലെ സന്ദർശന സമയത്തെ ആവേശം കാണിക്കുന്ന വീഡിയോ വൈറലാകുന്നു. നാമക്കൽ ജില്ലയിലെ പാളയം ജല്ലിക്കെട്ട് വേദിയിലെത്തിയ അണ്ണാമലയെക്കാണാനും കൈകൊടുക്കാനും മത്സരിക്കുന്നവരും കാണികളും നടത്തുന്ന ശ്രമങ്ങളും ആരവങ്ങളുമാണ് വീഡിയോവിലുള്ളത്. ബി.ജെ.പി തമിഴ്നാട് ഘടകം ഔദ്യോഗിക ട്വിറ്ററിലൂടെയാണ് വീഡിയോ പുറത്തുവിട്ടത്.
நாமக்கல் மாவட்டம் பள்ளிபாளையம் ஜல்லிக்கட்டில் கலந்து கொண்ட நமது மாநில தலைவர் திரு.@annamalai_k அவர்கள் ..@CTRavi_BJP @ReddySudhakar21 pic.twitter.com/Il7JTeoxFV
— BJP Tamilnadu (@BJP4TamilNadu) February 2, 2022
പാർട്ടി പരിപാടിയാണെങ്കിലും പൊതുസമൂഹത്തിലെ ചടങ്ങുകളാണെങ്കിലും അണ്ണാമലൈ ഒരു തരംഗമാകുന്നുവെന്നാണ് ബി.ജെ.പി നേതാക്കൾ സാക്ഷ്യപ്പെടുത്തുന്നത്. യുവാവായ മുൻ പോലീസ് ഐപിഎസ് ഉദ്യോഗസ്ഥന്റെ രാഷ്ട്രീയ പ്രവേശനവും ബി.ജെ.പിയിലേക്കുള്ള വരവും തമിഴ്നാട് രാഷ്ട്രീയത്തെ ദേശീയ തലത്തിൽ തന്നെ ശ്രദ്ധേയമാക്കിയിരുന്നു. അണ്ണാമലൈയുടെ കരുത്തിനെ ആരാധനയോടെയാണ് ജനങ്ങൾ കാണുന്നതെന്നതിന് തെളിവാണ് എവിടെചെന്നാലും തടിച്ചുകൂടുന്ന യുവാക്കളുടെ സംഘം.
നടക്കാനിരിക്കുന്ന തദ്ദേശ സ്ഥാപനങ്ങളുടെ തെരഞ്ഞെടുപ്പിൽ ബി.ജെ.പി നഗരമേഖലയിലെ സീറ്റുകളിൽ ഒറ്റയ്ക്ക് മത്സരിക്കുമെന്ന പ്രഖ്യാപനം പോലും തികഞ്ഞ ആത്മവിശ്വാസ ത്തോടേയും ആവേശത്തോടെയുമാണ് പാർട്ടി പ്രവർത്തകർ ഏറ്റെടുത്തിരിക്കുന്നത്.
Comments