അഹമ്മദാബാദ്: വിൻഡീസിനെതിരെ പരമ്പരയ്ക്കായി തയ്യാറെടുക്കുന്ന ഇന്ത്യൻ സീനിയർ ക്രിക്കറ്റ് ടീമിൽ കൊറോണ ബാധ. ശ്രേയസ് അയ്യർക്കും ശിഖർ ധാവനും ഋതുരാജ് ഗെയ്ക്ക്വാദിനുമാണ് താരങ്ങളുടെ കൂട്ടത്തിൽ കൊറോണ പോസിറ്റീവായിരിക്കുന്നത്.
ടീമിലെ മൂന്ന് താരങ്ങൾക്കും പരിശീലകരിൽ ഒരാൾക്കും ഒരു സഹായിക്കും കൊറോണ സ്ഥിരീകരിച്ചതായി ബി.സി.സി.ഐ അറിയിച്ചു. വരും ദിവസങ്ങളിൽ ഇനിയും പലർക്കും കൊറോണ പിടിപെടാമെന്നതിനാൽ പരമ്പര നീട്ടേണ്ടി വരുമെന്ന അവസ്ഥയിലാണ് കാര്യങ്ങൾ നീങ്ങുന്നത്.
രണ്ടു ടീമുകളും ഒരു ഹോട്ടലിലാണ് താമസിക്കുന്നത്. ഇന്നലെയാണ് വിൻഡീസ് താരങ്ങൾ എത്തിച്ചേർന്നത്. കഴിഞ്ഞ 31-ാം തിയതി മുതലാണ് ടീം ഇന്ത്യയുടെ സംഘം അഹമ്മദാ ബാദിൽ എത്തിയത്. വരുന്ന വാഴാഴ്ച ഒരു ഘട്ടം പരിശോധനകൂടി നടത്തിയ ശേഷം പരമ്പരയുടെ നടത്തിപ്പ് തീരുമാനിക്കുമെന്നാണ് ബി.സി.സി.ഐ പറയുന്നത്. നിലവിൽ കൊറോണ സ്ഥിരീകരിച്ചവരെ അവരുടെ മുറിയിൽ തന്നെ ക്വാറന്റൈനിലാ ക്കിയിരിക്കുകയാണ്.
പരമ്പര നടന്നാലും കാണികളെ പ്രവേശിപ്പിക്കേണ്ടതില്ലെന്ന തീരുമാനമാണ് എടുത്തിരിക്കുന്നത്. രാജ്യത്തെ കൊറോണ ഒമിക്രോൺ വ്യാപന നിരക്കിലെ വർദ്ധനയാണ് നിയന്ത്രണങ്ങൾ ഏർപ്പെടുത്താൻ കാരണം. അഹമ്മദാബാദിൽ പ്രതിദിനം 8000 പേർക്ക് കൊറോണ വ്യാപിക്കുന്നതായാണ് കണക്ക്.
