ആലുവ: വധശ്രമ ഗൂഡാലോചന കേസിൽ നടൻ ദിലീപിന് കർശന ഉപാധികളോടെ മുൻകൂർ ജാമ്യം അനുവദിച്ചു. ദിലീപിന്റെ ഭാഗ്യ നമ്പറായ ഏഴ് ഇന്നും നടനെ തുണച്ചുവെന്നാണ് ആരാധകർ ചൂണ്ടിക്കാട്ടുന്നത്. മൂന്നാഴ്ചക്കാലത്തെ വാദപ്രതിവാദങ്ങൾക്ക് ശേഷം വിധി ഫെബ്രുവരി ഏഴിന് പറഞ്ഞപ്പോൾ ഭാഗ്യം ദിലീപിനെ പിന്തുണക്കുമെന്ന് ആരാധകർ ഉറപ്പിച്ചു.
വ്യക്തി ജീവിതത്തിൽ മാത്രമല്ല സിനിമ ജീവിതത്തിലും ദിലീപിന് ഏഴ് ഭാഗ്യ നമ്പറാണ്. നടന്റെ എല്ലാ സിനിമകളും ഏഴ് എന്ന അക്കം ഉൾകൊള്ളുന്ന തിയതികളിലായിരിക്കും.ഏഴിനൊപ്പം നാലും നടന് പ്രയപ്പെട്ടതാണെന്ന് ആരാധകർ പറയുന്നു. ഏഴിനൊപ്പം തിങ്കളും വ്യാഴവും ഭാഗ്യ ദിനങ്ങളായും നടൻ വിശ്വസിച്ചിരുന്നു. തിങ്കളാഴ്ച മണപ്പുറം ശിവക്ഷേത്രത്തിലും വ്യാഴാഴ്ച എട്ടേക്കർ സെന്റ് ജുഡ് പള്ളിയിലും ദർശനം നടത്തിയാണ് ദിലീപ് ഇന്നത്തെ വിധിക്കായി തയ്യാറെടുത്തിരുന്നത് എന്നത് തികച്ചും യാദൃച്ഛികം മാത്രം.
ദിലീപിനെ കൂടാതെ സഹോദരൻ അനൂപ്, സഹോദരി ഭർത്താവ് ടിഎൻ സൂരജ്, ബന്ധുവായ അപ്പു, സുഹൃത്ത് ബൈജു ചെങ്ങമനാട്, ദിലീപിന്റെ സുഹൃത്തായ ശരത് എന്നിവർക്കും ഹൈക്കോടതി ഇന്ന് ജാമ്യം അനുവദിച്ചിരുന്നു.
Comments