കൊച്ചി: പര്യാവരണ സംരക്ഷണ വിഭാഗം അഖിലേന്ത്യാ തലത്തിൽ നടത്തുന്ന പരിസ്ഥിതി പാർലമെന്റിലേക്ക് തിരഞ്ഞെടുക്കപ്പെട്ട അഞ്ജുകൃഷ്ണയേയും ആഗ്നസിനേയും അനുമോദിച്ചു. ഭാരതീയ വിചാരകേന്ദ്രം സംഘടിപ്പിച്ച പരമേശ്വർജി അനുസ്മരണ പരിപാടിയുടെ ഭാഗമായി തിരുവന്തപുരത്താണ് കുമാരി അഞ്ജുകൃഷ്ണയെ അനുമോദിച്ചത്.
ആർ.എസ്.എസ് മുതിർന്ന പ്രചാരകൻ എസ്. സേതുമാധവൻ ഭഗവദ്ഗീത സമ്മാനിച്ചു. ഭാരതീയ വിചാരകേന്ദ്രം ഡയറക്ടർ ആർ.സഞ്ജയൻ പൊന്നാട അണിയിച്ചു. മുൻ എംഎൽഎ ഒ.രാജഗോപാൽ അടൽബിഹാരി വാജ്പേയിയുടെ പ്രസംഗങ്ങളുടെ സമാഹാരവും അഞ്ജുവിന് കൈമാറി. എൽഎൽഎം വിദ്യാർത്ഥിനി അഞ്ജുകൃഷ്ണ തിരുവനന്തപുരം വീരണകാവ് സ്വദേശിനിയാണ് . ചടങ്ങിൽ പര്യാവരൺ സംരക്ഷണ ഗതിവിധി വിദ്യാഭ്യാസ കാര്യവിഭാഗ് പ്രാന്ത സംയോജകൻ സേതുനാഥ് മലയാലപ്പുഴ, തിരുവനന്തപുരം മഹാനഗർ വിദ്യാഭ്യാസ കാര്യവിഭാഗ് പ്രമുഖ് അജി നെടുമങ്ങാട് എന്നിവർ സന്നിഹിതരായിരുന്നു.
എറണാകുളത്ത് പര്യാവരൺ സംരക്ഷണ വിഭാഗം സംസ്ഥാന സംയോജക് ടി.എസ്. നാരായണൻ കുമാരി ആഗ്നസ് ഫ്രാൻസിസിനെ വീട്ടിലെത്തിയാണ് അനുമോദിച്ചത്. സംസ്ഥാന സഹ സംയോജകൻ രാജേഷ് ചന്ദ്രൻ സന്നിഹിതനായിരുന്നു. പൊന്നാടയും ശ്രീശങ്കരാചാര്യ സ്വാമിയുടെ ചിത്രവും മാതാ അൃതാനന്ദമയിയുടെ പരിസ്ഥിതി സന്ദേശങ്ങ ളടങ്ങിയ പുസ്തകവും സമ്മാനിച്ചു.
എറണാകുളം സേക്രട്ട് ഹാർട്ട് കോളേജിൽ നിന്നും പരിസ്ഥിതി ശാസ്ത്രത്തിൽ ബിരുദാന്തര ബിരുദധാരിയാണ് ആഗ്നസ് ഫ്രാൻസിസ്. ദക്ഷിണേന്ത്യയിലെ പരിശീലനങ്ങളിൽ നിന്നാണ് ഇരുവരേയും അഖിലേന്ത്യാ തലത്തിലേക്ക് തിരഞ്ഞെടുത്തത്. ഇരുവരും ഏപ്രിൽ 15,16 തീയതികളിൽ കേന്ദ്രപരിസ്ഥിതി മന്ത്രാലയം സംഘടിപ്പിക്കുന്ന സെമിനാറിൽ ഡൽഹിയിൽ പങ്കെടുക്കും.
