ശശി തരൂരിനെ തിരുത്തി അതാവലെ; നന്ദി പറഞ്ഞ് തരൂർ; ട്വിറ്റർ യുദ്ധം വൈറൽ

ന്യൂഡൽഹി: കോൺഗ്രസ് നേതാവും ലോകസഭാഗംവുമായ ശശിതരൂരിന്റെ അക്ഷരത്തെറ്റ് തിരുത്തി കേന്ദ്ര മന്ത്രി രാമദാസ് രാംദാസ് അതാവല. ശശിതരൂരിന്റെ ട്വീറ്റിലെ അക്ഷരത്തെറ്റാണ് കേന്ദ്രമന്ത്രി ചൂണ്ടിക്കാട്ടിയത്. തെറ്റ് ചൂണ്ടിക്കാട്ടിയതിന് തരൂർ കേന്ദ്രമന്ത്രിയോട് ട്വിറ്ററിലൂടെ തന്നെ നന്ദി പറഞ്ഞു.

ശശി തരൂർ കഴിഞ്ഞ ദിവസം കേന്ദ്രമന്ത്രി രാംദാസ് അതാവലയെ ടാഗ് ചെയ്ത ട്വീറ്റിൽ ബജറ്റ് (BUDGET)എന്നതിന് പകരം ബൈജറ്റ് (BYDGET) എന്നും മറുപടി (REPLY) എന്നതിന് പകരം ആശ്രയിക്കുക(RELY) എന്നുമായിരുന്നു എഴുതിയിരുന്നത്. അക്ഷരത്തെറ്റ് ശ്രദ്ധയിൽപ്പെട്ട കേന്ദ്രമന്ത്രി അത് ചൂണ്ടിക്കാണിച്ച് തരൂരിനെ ടാഗ് ചെയ്ത് ട്വീറ്റ് ചെയ്യുകയായിരുന്നു.

Nearly two-hour rely to the Bydget debate. The stunned & incredulous expression on Minister @RamdasAthawale’s face says it all: even the Treasury benches can’t believe FinMin @nsitharaman’s claims about the economy & her Budget! pic.twitter.com/wOGY7TJYg8

— Shashi Tharoor (@ShashiTharoor) February 10, 2022

”പ്രിയപ്പെട്ട ശശി തരൂർ അനാവശ്യമായ അവകാശവാദങ്ങളും പ്രസ്താവനകളും നടത്തുമ്പോൾ ഒരാൾ തെറ്റുകൾ വരുത്തുമെന്ന് പറയപ്പെടുന്നു. ഇത് ബൈജറ്റ് അല്ല, ബജറ്റ് ആണ്. കൂടാതെ ആശ്രയിക്കുക അല്ല, മറുപടി ആണ്. എന്തായാലും ശരി ഞങ്ങൾ മനസിലാക്കിയിരിക്കുന്നുവെന്നായിരുന്നു” കേന്ദ്രമന്ത്രിയുടെ ട്വീറ്റ്.

Dear Shashi Tharoor ji, they say one is bound to make mistakes while making unnecessary claims and statements.

It’s not “Bydget” but BUDGET.

Also, not rely but “reply”!

Well, we understand! https://t.co/sG9aNtbykT

— Ramdas Athawale (@RamdasAthawale) February 10, 2022

കേന്ദ്രമന്ത്രിയുടെ ട്വീറ്റിന് മറുപടിയായി തരൂരും മറ്റൊരു ട്വീറ്റ് ഇട്ടു.

ഞാൻ തിരുത്തി രാമദാസ് ജി, അശ്രദ്ധമായ ടൈപ്പിംഗ് മോശം ഇംഗ്ലീഷിനേക്കാൾ വലിയ പാപമാണ്.അദ്ദേഹം കുറിച്ചു.

I stand corrected, Ramdas ji. Careless typing is a bigger sin than bad English!
But while you're on a roll, there's someone at JNU who could benefit from your tuition…..

— Shashi Tharoor (@ShashiTharoor) February 10, 2022

സാമൂഹികവും രാഷ്‌ട്രീയവുമായ വിഷയങ്ങളിൽ ആകർഷകമായ കുഞ്ഞു ഉദ്ധരണികൾ പറയുന്നതിൽ പ്രസിദ്ധനായ കേന്ദ്രമന്ത്രി രാംദാസ് അതാവലയും ഇംഗ്ലീഷ് പരിജ്ഞാനത്തിന് പേര് കേട്ട എംപി ശശി തരൂരും തമ്മിലുള്ള ട്വിറ്റർ യുദ്ധം ഇപ്പോൾ സമൂഹമാദ്ധ്യമങ്ങളിൽ വൈറലാവുകായാണ്.