ലക്നൗ: രാഷ്ട്രത്തിന് വേണ്ടിയും പുതിയൊരു ഇന്ത്യയ്ക്ക് വേണ്ടിയും വോട്ട് ചെയ്യണമെന്ന് അഭ്യർത്ഥിച്ച് പ്രതിരോധ മന്ത്രി രാജ്നാഥ് സിങ്. ഇന്ത്യയുടെ പൈതൃകം സംരക്ഷിക്കാൻ ആഗ്രഹിക്കുന്നതിനാലാണ് ഞങ്ങൾ ക്ഷേത്രങ്ങൾ നിർമ്മിക്കുന്നത്. രാഷ്ട്രവാദിയും സമാജ് വാദിയും ഞങ്ങളാണെന്ന് അദ്ദേഹം പറഞ്ഞു. ഉത്തർപ്രദേശിലെ ഉൻചാഹറിലെ റാലിയിൽ സംസാരിക്കുകയായിരുന്നു അദ്ദേഹം.
സമൂഹത്തിലെ എല്ലാ വിഭാഗങ്ങളെയും ഒപ്പം കൊണ്ടുപോകുന്നയാളാണ് യഥാർത്ഥ സോഷ്യലിസ്റ്റ്, അല്ലാതെ പ്രീണന രാഷ്ട്രീയത്തിൽ മുഴുകുന്നവരല്ലെന്ന് അദ്ദേഹം പറഞ്ഞു. സോഷ്യലിസത്തെക്കുറിച്ച് മാത്രം സംസാരിക്കുന്നവർ വ്യാജ നാണയങ്ങൾ ആണെന്നും അത് വിപണിയിൽ ഉപയോഗിക്കാൻ കഴിയില്ലെന്നും അദ്ദേഹം പറഞ്ഞു.
പേര് കാരണം ആരും സമാജ് വാദി പാർട്ടിക്ക് വോട്ട് ചെയ്യരുതെന്നും സമാജ് വാദി എന്ന് അവകാശപ്പെടുന്നവർ അതിൽനിന്ന് ഏറെ ദൂരത്താണെന്നും അദ്ദേഹം പറഞ്ഞു. പ്രീണന രാഷ്ട്രീയം നടത്തിയും സമൂഹത്തെ ഭിന്നിപ്പിച്ചും സർക്കാർ രൂപീകരിക്കുന്നവർ ഒരിക്കലും സമാജ് വാദി ആവില്ലെന്നും അദ്ദേഹം ചൂണ്ടിക്കാട്ടി.സോഷ്യലിസത്തിന്റെ യഥാർത്ഥ സത്ത ഉൾക്കൊള്ളുകയും അതിൽ ഉറച്ചുനിൽക്കുകയും ചെയ്യുന്ന പാർട്ടിയാണ് ബിജെപിയെന്നും അദ്ദേഹം പറഞ്ഞു
Comments