കൊച്ചി : കോട്ടയം – എറണാകുളം റൂട്ടിൽ സ്വകാര്യ ലിമിറ്റഡ് സ്റ്റോപ്പ് ബസുകളുടെ മിന്നൽ പണിമുടക്ക്.ബസ് ജീവനക്കാരനെ മർദിച്ചതിൽ പ്രതിഷേധിച്ചാണ് പണിമുടക്ക് . തലയോലപ്പറമ്പിൽ വിദ്യാർത്ഥികളും ബസ് ജീവനക്കാരും തമ്മിലുണ്ടായ സംഘർഷത്തിൽ ബസ് ഡ്രൈവർ കടുത്തുരുത്തി സ്വദേശി രഞ്ജുവിനു പരുക്കേറ്റിരുന്നു.
വിദ്യാർത്ഥികളെ ബസിൽ കയറ്റുന്നതുമായി ബന്ധപ്പെട്ടുണ്ടായ തർക്കത്തെത്തുടർന്നാണ് വിദ്യാർത്ഥികളും ബസ് ജീവനക്കാരും തമ്മിൽ ഏറ്റുമുട്ടിയത് .അക്രമം നടത്തിയ വിദ്യാർത്ഥികൾക്കെതിരെ നടപടി എടുക്കണമെന്ന് ബസ് ജീവനക്കാർ ആവശ്യപ്പെട്ടു .
