ന്യൂഡൽഹി: പ്രതിദിന കൊറോണ കണക്കിൽ വീണ്ടും ഇന്ത്യയ്ക്ക് ആശ്വാസം. രാജ്യത്ത് കഴിഞ്ഞ 24 മണിക്കൂറിനിടെ 15,000ത്തിൽ താഴെ രോഗികൾ മാത്രമാണ് റിപ്പോർട്ട് ചെയ്തത്. 13,166 കൊറോണ രോഗികളും 26,988 രോഗമുക്തരും ഇന്നലെ സ്ഥിരീകരിച്ചു.
സജീവരോഗികളുടെ എണ്ണം ഇപ്പോഴും ഒന്നരലക്ഷത്തിൽ താഴെയാണ്. കാൽലക്ഷത്തോളം പേർ രോഗമുക്തി നേടിയതോടെ രാജ്യത്ത് ചികിത്സയിലുള്ളവരുടെ എണ്ണം 1,34,235 ആയി. പ്രതിദിന പോസിറ്റിവിറ്റി നിരക്ക് 1.28 ശതമാനമാണ്. ഇതുവരെ 4.22 കോടിയാളുകൾ രോഗത്തിൽ നിന്നും മുക്തി നേടിയെന്ന് കേന്ദ്ര ആരോഗ്യ മന്ത്രാലയം അറിയിച്ചു.
കഴിഞ്ഞ 24 മണിക്കൂറിനിടെ 302 കൊറോണ മരണങ്ങളും റിപ്പോർട്ട് ചെയ്തിട്ടുണ്ട്. ഇതോടെ കൊറോണ ബാധിച്ച് മരിച്ചവരുടെ എണ്ണം 5,13,226 ആയി. ആകെ 176.86 കോടി വാക്സിൻ ഡോസുകളാണ് രാജ്യത്ത് വിതരണം ചെയ്തിട്ടുള്ളത്. മൂന്നാം തരംഗത്തിൽ നിന്നും രാജ്യം കരകയറിയതിനാൽ നിയന്ത്രണങ്ങൾക്ക് വലിയ തോതിൽ ഇളവുകൾ നൽകുകയാണ് സംസ്ഥാന സർക്കാരുകൾ.
Comments