മെക്‌സിക്കൊ സിറ്റി: മെക്സിക്കൻ ഓപ്പൺ ടെന്നീസ് ഫൈനലിൽ തകർപ്പൻ പ്രകടനം കാഴ്ചവെച്ച് കിരീടം സ്വന്തമാക്കി സ്പാനിഷ് ഇതിഹാസ താരം റാഫേൽ നദാൽ. ഫൈനലിൽ ബ്രിട്ടീഷ് താരം കാമറൂൺ നോറിയെ കീഴടക്കിയാണ് നദാൽ കിരീടത്തിൽ മുത്തമിട്ടത്.
നേരിട്ടുള്ള സെറ്റുകൾക്കാണ് നദാലിന്റെ ജയം. സ്‌കോർ: 6-4, 6-4. സെമിയിൽ ലോക ഒന്നാം നമ്പർ താരം ഡാനിയൽ മെദ്വദേവിനെ തകർത്താണ് നദാൽ ഫൈനലിലേയ്‌ക്ക് കടന്നത്.
Rafael Nadal beats Cameron Norrie 6-4, 6-4 to clinch the ATP 500 Mexican Open men's singles title in Acapulco.
Credit- @atptour @RafaelNadal @AbiertoTelcel pic.twitter.com/r7rP5SrELn
— United News of India (@uniindianews) February 27, 2022
2022ൽ നദാൽ സ്വന്തമാക്കുന്ന മൂന്നാമത്തെ കിരീടമാണിത്. കൂടാതെ, കരിയറിൽ നദാലിന്റെ 91-ാം എടിപി കിരീടം കൂടിയാണിത്. മൂന്ന് കിരീടങ്ങൾ കൂടി നേടിയാൽ, ഏറ്റവും അധികം എടിപി കിരീടങ്ങൾ സ്വന്തമാക്കുന്ന മൂന്നാമത്തെ താരം എന്ന റെക്കോർഡ് നദാലിന് സ്വന്തമാകും.
109 കിരീടങ്ങളുമായി ജിമ്മി കോണോഴ്‌സും, 103 കിരീടങ്ങളുമായി സ്വിസ് ഇതിഹാസ താരം റോജർ ഫെഡററുമാണ് ആദ്യ രണ്ട് സ്ഥാനങ്ങളിൽ. 94 കിരീടങ്ങളുള്ള ഇവാൻ ലെൻഡലാണ് മൂന്നാം സ്ഥാനത്ത്. നദാൽ മൂന്ന് കിരീടങ്ങൾ കൂടി സ്വന്തമാക്കിയാൽ ഇവാന്റെ സ്ഥാനം കൈയടക്കാനാവും.
മെക്സിക്കൻ ഓപ്പൺ കിരീടം നേടുന്ന ഏറ്റവും പ്രായം കൂടിയ താരവും, കുറഞ്ഞ താരവും നദാലാണ്. 2005ൽ 18 വയസ്സ് മാത്രമുള്ളപ്പോൾ കിരീടം നേടിയ നദാൽ, 2022ൽ 35 വയസ്സായപ്പോഴും കിരീടം നേടി അപൂർവ്വ റെക്കോർഡ് സ്വന്തമാക്കി.
