മുംബൈ: ആഡംബരത്തിന്റെ രാജാവ് മെഴ്സിഡസ് ബെൻസിന്റെ പുത്തൻ ജിഎൽസ് എസ് യുവി സ്വന്തമാക്കി പ്രശസ്ത അവതാരകനും നടനുമായ മനീഷ് പോൾ. 1.65 കോടി രൂപയുടെ വാഹനമാണ് താരം സ്വന്തമാക്കിയത്. നീലയും വെള്ളിയും ചേർന്നുള്ള ഡ്യുവൽ ടോൺ പെയിന്റാണ് വാഹത്തിന്റെ ആകർഷണം. 1.14 കോടി രൂപയാണ് വാഹനത്തിന്റെ എക്സ് ഷോറൂം വില. ഒന്നിലധികം കസ്റ്റമൈസേഷനുകൾ വരുത്തിയതിനാലാണ് വില അൽപം കൂടിയതെന്ന് നിർമ്മാതാക്കൾ പറഞ്ഞു.
സ്റ്റാൻഡേർഡ് പതിപ്പിൽ നിന്നും ചില പ്രത്യേക മാറ്റങ്ങൾ മനീഷ് സ്വന്തമാക്കിയ വാഹത്തിൽ വരുത്തിയിട്ടുണ്ട്. 21-ഇഞ്ച് അലോയ് വീലുകളാണ് ഈ വാഹനത്തിന് നൽകിയിരിക്കുന്നത്. വാഹനത്തിന്റെ എല്ലാ സീറ്റുകളും ഇലക്ട്രോണിക് ആയി ക്രമീകരിക്കാൻ സാധിക്കുന്നു. ആർട്ടിക്കോ മനുഷ്യനിർമ്മിത ലെതറിലാണ് അകത്തളങ്ങൾ അലങ്കരിച്ചിരിക്കുന്നത്.
വൺ-ടച്ച് ഫോൾഡിംഗ് സീറ്റുകൾ, 5-സോൺ ക്ലൈമറ്റ് കൺട്രോൾ തുടങ്ങിയ സവിശേഷതകൾ വാഹനത്തിനുണ്ട്. നാപ്പാ ലെതറിൽ പൊതിഞ്ഞ മൾട്ടി-ഫംഗ്ഷൻ സ്റ്റിയറിംഗ് വീൽ, ഡിജിറ്റൽ ഇൻസ്ട്രുമെന്റ് ക്ലസ്റ്റർ എന്നിവയാണ് ജിഎൽഎസിലെ മറ്റ് ഫീച്ചേഴ്സ്. വലിയ ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, 360-ഡിഗ്രി പാർക്കിംഗ് ക്യാമറ, ആംബിയന്റ് ലൈറ്റിംഗ്, സ്റ്റാർട്ട്-സ്റ്റോപ്പ് പുഷ് ബട്ടൺ, കീലെസ് എൻട്രി എന്നിവയും വാഹനത്തിൽ ലഭിക്കുന്നു.
മെഴ്സിഡസ്-ബെൻസ് ജിഎസൽഎസ്400ന് 6 സിലിണ്ടർ ഇൻ-ലൈൻ എഞ്ചിനാണ് കരുത്ത് പകരുന്നത്. ഇരട്ട-ടർബോചാർജറുകൾ ശക്തിയും ടോർക്കും നൽകുന്നു. 330 എച്ച്പിയും 700 എൻഎം ടോർക്കുമാണ് വാഹനം ഉത്പാദിപ്പിക്കുന്നത്.
Comments