പാലക്കാട്: പന്നിയങ്കര ടോൾ പ്ലാസയിൽ ഇന്ന് അർധരാത്രി മുതൽ ടോൾ പിരിവ് ആരംഭിക്കും. പാലക്കാട്-തൃശ്ശൂർ പാതയിലെ ടോൾ പിരിവ് നടത്തുന്നത് തൃശ്ശൂർ എക്സ്പ്രസ് വേ ലിമിറ്റഡ് എന്ന കമ്പനിയാണ്. റോഡിനും കുതിരാൻ തുരങ്ക പാതയ്ക്കും പ്രത്യേകമായി നിശ്ചയിച്ച് രണ്ടിനും ചേർത്താണ് ടോൾ പിരിക്കുന്നത്.
എന്നാൽ സൗജന്യപാസ് നൽകുന്നതുൾപ്പെടെയുള്ള ആവശ്യങ്ങൾ അംഗീകരിച്ചിട്ടില്ലെന്നും ടോൾ പിരിവ് നടത്തിയാൽ പ്രതിഷേധം ശക്തമാക്കുമെന്നും പ്രദേശവാസികൾ അറിയിച്ചു. ടോൾ പിരിവ് കേന്ദ്രത്തിന്റെ 10 കിലോമീറ്റർ ചുറ്റളവിലുള്ള ജനങ്ങൾക്ക് സൗജന്യപാസ് അനുവദിക്കുന്നതിൽ നടപടിയുണ്ടായിട്ടില്ലെങ്കിൽ പിരിവ് തുടങ്ങിയാൽ ശക്തമായ പ്രതിഷേധം ഉണ്ടാകുമെന്നും ജനകീയ സമര സമിതി നേതാക്കൾ അറിയിച്ചു.
വടക്കാഞ്ചേരി-മണ്ണൂത്തി ദേശീയപാതയിൽ ഇന്ന് അർധരാത്രി മുതൽ ടോൾ പിരിവ് ആരംഭിക്കും. 2031 സെപ്റ്റംബർ 14 വരെ ടോൾ പിരിക്കാം. അതിന് ശേഷം ടോൾ നിരക്ക് 40 ശതമാനമായി കുറയ്ക്കണം. കാറുകൾക്ക് 90 രൂപയും ട്രക്കുകൾക്ക് 280 രൂപയും, മിനി ചരക്ക് വാഹനങ്ങൾക്ക് 140 രൂപയും, വലിയ ചരക്ക് വാഹനങ്ങൾക്ക് 430 രൂപയുമാണ് ഒരു വശത്തേക്കുള്ള നിരക്ക്.
Comments