ആട്ടം, പാട്ട് ആഘോഷം; മുഖ്യമന്ത്രിയുടെ വീടിന് മുന്നിൽ മതിമറന്നാടി സ്ത്രീകൾ; ബിജെപിയുടെ വിജയം ഞങ്ങളുടെ വിജയമെന്ന് മണിപ്പൂർ നിവാസികൾ

ഇംഫാൽ ; ആഘോഷപരിപാടികളോടെ ബിജെപി സർക്കാരിനെ വീണ്ടും വരവേറ്റ് മണിപ്പൂർ നിവാസികൾ. 60 മണ്ഡലങ്ങളിലായി നടക്കുന്ന വോട്ടെണ്ണലിൽ ബിജെപി ലീഡ് ചെയ്യുമ്പോൾ പ്രതിപക്ഷ പാർട്ടികൾക്ക് അടിപതറുകയാണ്. 26 സീറ്റുകളിൽ ബിജെപി മുന്നിലാണ്.

കോൺഗ്രസ് നേതാവിനെ പിന്നിലാക്കിക്കൊണ്ട് മുഖ്യമന്ത്രി ബീരേൻ സിംഗ് 18,271 വോട്ടിനാണ് ഹേയ്ൻഗാങ്ങിൽ നിന്നും വിജയിച്ചത്. ഇതോടെ പാർട്ടിയുടെ ആത്മവിശ്വാസവും വർദ്ധിച്ചു. ബിജെപിയെ വരവേൽക്കാൻ മണിപ്പൂരിലെ ജനങ്ങൾ ഒന്നാകെ തയ്യാറായിക്കഴിഞ്ഞു. മുഖ്യമന്ത്രിയുടെ വസതിക്ക് മുന്നിലാണ് അവർ പാട്ടും ആഘോഷപരിപാടികളുമായി കൂടിയിരിക്കുന്നത്. പാട്ട് പാടിയും നൃത്തച്ചുവടുകൾ വെച്ചും ജനങ്ങൾ ഇത് ആഘോഷമാക്കിയിരിക്കുകയാണ്.

#WATCH | Celebrations at the residence of Manipur CM N Biren Singh in Imphal as BJP leads in the state as per official EC trends. CM N Biren Singh leading in Heingang by 18,271 votes. pic.twitter.com/4AUbchWfAm

— ANI (@ANI) March 10, 2022

27 സീറ്റുകളിലാണ് ബിജെപി മുന്നിലെത്തിയിരിക്കുന്നത്. 14 സീറ്റുകളിൽ വിജയം നേടി. എൻപിഇപി ഏഴ് സീറ്റുകളിലാണ് ലീഡ് ചെയ്യുന്നത്. എൻപിഎഫ് അഞ്ച് നിയോജക മണ്ഡലങ്ങളിൽ ലീഡ് നിലനിർത്തുമ്പോൾ ഐഎൻസിയ്‌ക്ക് ഒരു സീറ്റ് മാത്രമേ നേടനായുള്ളൂ.