തിരുവനന്തപുരം: യുദ്ധകാലത്ത് ലോകസമാധാന സമ്മേളനം നടത്തുമെന്ന് ധനമന്ത്രി കെ.എന്.ബാലഗോപാല്. ലോകസമാധാന സമ്മേളനത്തിന്റെ ഭാഗമായി സമാധാന സെമിനാറുകള് സംഘടിപ്പിക്കും. സമാധാന പ്രവര്ത്തകരെ സംഘടിപ്പിച്ച് സെമിനാര് സംഘടിപ്പിക്കുന്നതിനായി രണ്ട് കോടി രൂപ വകയിരുത്തുമെന്നും അദ്ദേഹം പറഞ്ഞു.
ആഗോളവത്കണത്തിന് ബദലായി കേരള മോഡല് നിര്മ്മിക്കാനാണ് ശ്രമം. കേന്ദ്ര സാമ്പത്തിക ബദലായി കേരള മാതൃക നടപ്പാക്കും. വിജ്ഞാന സമ്പദ് വ്യവസ്ഥ മെച്ചപ്പെടുത്തണം. ഇന്ക്യുബേഷന് സെന്ററുകള്ക്കും സ്റ്റാര്ട്ടപ്പുകളെ പ്രോത്സാഹിപ്പിക്കുന്നതിനുമായി കേരളത്തിലെ പത്ത് സര്വകലാശാലകള്ക്കുമായി 20 കോടി രൂപ വച്ച് 200 കോടി വകയിരുത്തുമെന്നും മന്ത്രി വ്യക്തമാക്കി.
ടാബ് ലറ്റ് നോക്കിയാണ് മന്ത്രി ഇക്കുറി ബജറ്റ് അവതരിപ്പിക്കുന്നത്. കേരളത്തിലെ അഞ്ച് സര്വ്വകലാശാലകളില് 1500 ഹോസ്റ്റര് മുറികള് നിര്മ്മിക്കാന് കിഫ്ബിയില് നിന്ന് തുക വകയിരുത്തും. 250 രാജ്യാന്തര ഹോസ്റ്റല് മുറികളും സര്വ്വകലാശാലകളില് ഉറപ്പാക്കുമെന്നും മന്ത്രി പറഞ്ഞു.
