സംവിധായകൻ വി.എ ശ്രീകുമാർ മേനോന്റെ സംവിധാനത്തിൽ മോഹൻലാൽ നായകനായെത്തിയ ചിത്രമാണ് ഒടിയൻ. 2018 ഡിസംബർ 14നാണ് ചിത്രം റിലീസ് ചെയ്തത്. തീയേറ്റർ റിലീസായെത്തിയ ചിത്രത്തിന് സമ്മിശ്ര പ്രതികരണങ്ങളാണ് ലഭിച്ചത്. ഇപ്പോഴിതാ ഒടിയനെ കുറിച്ച് ഓർത്തുകൊണ്ട് സംവിധായൻ വി.എ ശ്രീകുമാർ ഒരു പോസ്റ്റ് ഷെയർ ചെയ്തിരിക്കുകയാണ്.
പ്രൊമോഷന്റെ ഭാഗമായി തീയേറ്ററുകളിൽ സ്ഥാപിച്ച ഒടിയന്റെ പ്രതിമകളിൽ രണ്ടെണ്ണം ഇപ്പോഴും പാലക്കാട് ഉണ്ടെന്നും അതിനൊപ്പം നിന്ന് ഫോട്ടോകൾ എടുക്കാൻ ആരാധകർ താത്പര്യം പ്രകടിപ്പിക്കാറുണ്ടെന്നും ശ്രീകുമാർ പറഞ്ഞു. ഒടിയനോടുള്ള സ്നേഹേം തുടരുന്നതിൽ നന്ദിയുണ്ടെന്നും അദ്ദേഹം ഫേസ്ബുക്കിൽ കുറിച്ചു.
വി.എ ശ്രീകുമാറിന്റെ ഫേസ്ബുക്ക് പോസ്റ്റ് ഇങ്ങനെ,
പാലക്കാട് ഓഫീസിനു മുന്നിൽ ഒടിയൻ നിൽപ്പുണ്ട്. പ്രെമോഷന്റെ ഭാഗമായി തിയറ്ററുകളിൽ സ്ഥാപിച്ച ഒടിയൻ ശിൽപങ്ങളിൽ രണ്ടെണ്ണം. ഒടിയനെ കാണാനും കൂടെ പടമെടുക്കാനും ദിവസവും സന്ദർശകരുണ്ട്. ഇന്നു വന്ന അതിഥികളാണിവർ. പടമെടുക്കാൻ അവർ അനുവാദം ചോദിച്ചു. അവരോട് തിരിച്ച് പടമെടുക്കാനുള്ള അനുവാദവും ഓഫീസിലെ സുഹൃത്തുക്കൾ ചോദിച്ചു. ഒടിയനോടുള്ള സ്നേഹം തുടരുന്നതിൽ നന്ദി.
Comments