കണ്ണുകളെ കുഴക്കുന്ന ചിത്രങ്ങൾ എപ്പോഴും സമൂഹമാദ്ധ്യമങ്ങളിൽ ചർച്ചയാകാറുണ്ട്. ഒപ്റ്റിക്കൽ ഇല്യൂഷൻ എന്ന പ്രതിഭാസം മൂലം ഒരു ചിത്രത്തെ മറ്റൊന്നായി തെറ്റിദ്ധരിക്കപ്പെടുമ്പോഴാണ് ഇത് സംഭവിക്കുന്നത്. ഒപ്റ്റിക്കൽ ഇല്യൂഷൻ അടങ്ങിയ ചിത്രങ്ങൾക്ക് മണിക്കൂറുകളോളം നമ്മെ അസ്വസ്ഥരാക്കാൻ കഴിയുമെന്നതാണ് പ്രത്യേകത.
ഇപ്പോൾ വൈറലായിരിക്കുന്ന ഒപ്റ്റിക്കൽ ഇല്യൂഷൻ ചിത്രം സാക്ഷാൽ ജെ.കെ റൗളിങ്ങിന്റെ കണ്ണുകളെ പോലും കുഴക്കിയെന്നതാണ് കൗതുകം. ബ്രിട്ടീഷ് എഴുത്തുകാരിയും ഹാരിപോട്ടർ രചയിതാവുമായ റൗളിങ് തന്നെയാണ് ട്വിറ്ററിലൂടെ ചിത്രം പങ്കുവെച്ചത്.
വലത് മസ്തിഷ്‌കത്തെ പ്രയോഗിക്കുന്നവർക്ക് ചിത്രത്തിൽ ഒരു മത്സ്യത്തെ കാണാൻ കഴിയുമെന്നും ഇടത് മസ്തിഷ്‌കമാണെങ്കിൽ മത്സ്യകന്യകയെ കാണാമെന്നും അടിക്കുറിപ്പ് നൽകിയാണ് ജെ.കെ റൗളിങ് ട്വിറ്ററിലൂടെ ചിത്രം പങ്കിട്ടത്. എന്നാൽ തനിക്ക് ഇതിൽ കാണാൻ സാധിക്കുന്നത് മത്സ്യമോ മത്സ്യകന്യകയോ അല്ല, മറിച്ച് ഒരു കഴുതയെ ആണെന്നും റൗളിങ് വ്യക്തമാക്കുന്നു.
നിരവധിയാളുകളാണ് പോസ്റ്റിന് പിറകെ പ്രതികരണവുമായെത്തിയത്. ചിലർക്ക് മത്സ്യത്തെയോ മത്സ്യകന്യകയെയോ കാണാൻ കഴിഞ്ഞിരുന്നില്ല. മറ്റ് ചിലർ കഴുതയെ കണ്ടുവെന്ന് പ്രതികരിച്ചു. ചിലർക്ക് കുതിരയുടെ തല കാണാമെന്നുമുള്ള പ്രതികരണങ്ങളുമുണ്ടായിരുന്നു. അപൂർവം ചിലർക്ക് ചിത്രത്തിൽ നിന്ന് കാണാൻ കഴിഞ്ഞത് നീർനായയെ ആയിരുന്നു.
ഇക്കാലത്ത്, പല എഡിറ്റിംഗ് ടൂളുകളുടെയും സഹായത്തോടെ ഇത്തരത്തിലുള്ള ഒപ്റ്റിക്കൽ ഇല്യൂഷൻ ചിത്രങ്ങൾ സൃഷ്ടിക്കാനാകും. ഈ ചിത്രത്തിൽ നിങ്ങൾക്ക് കാണാൻ സാധിക്കുന്നത് എന്താണ് ?????
