തിരുവനന്തപുരം : തിരുവനന്തപുരം വിമാനത്താവളം വഴി കോടിക്കണക്കിന് രൂപയുടെ മയക്കുമരുന്ന് കടത്ത്. മാലിയിലേക്കുള്ള വിമാനത്തിലാണ് മയക്കുമരുന്ന് കടത്തിയത്. ജൈവവളം എന്ന പേരിൽ കടത്തിയ കോടിക്കണക്കിന് രൂപയുടെ ഹാഷിഷ് ഓയിലാണ് മാലി വിമാനത്താവളത്തിൽ വെച്ച് പിടിച്ചെടുത്തത്.
കേരളത്തിൽ നിന്നും കസ്റ്റംസിന്റെ കണ്ണ് വെട്ടിച്ചാണ് മയക്കുമരുന്ന് കടത്തിയത്. മേട്ടുക്കടയിലെ ഒരു വീടിന്റെ മേൽവിലാസത്തിലാണ് പാഴ്‌സൽ അയച്ചത്. തുടർന്ന് കസ്റ്റംസ് ഉദ്യോഗസ്ഥർ ഈ വീട്ടിലെത്തി പരിശോധന നടത്തി. വീട്ടിൽ നിന്നും ഓട്ടോറിക്ഷയിലാണ് മയക്കുമരുന്ന് എത്തിച്ചത് എന്നാണ് റിപ്പോർട്ട്. ഇന്നും ഉദ്യോഗസ്ഥർ വീട്ടിൽ പരിശോധന നടത്തും എന്നാണ് വിവരം.
