കൊച്ചി; രണ്ടു ദിവസത്തെ ബാങ്ക് അവധിയും രണ്ടു ദിവസത്തെ പൊതുപണിമുടക്കും ഉൾപ്പെടെ നാലുദിവസം ബാങ്കിന്റെ പ്രവർത്തനം തടസ്സപ്പെടും. ശനി, ഞായർ ബാങ്ക് പൊതുഅവധി കൂടാതെ ദേശീയപണിമുടക്കിന്റെ ഭാഗമായി തിങ്കളും ചൊവ്വയും ബാങ്കുകളുടെ പ്രവർത്തനം തടസ്സപ്പെടും.
ഓൾ ഇന്ത്യാ ബാങ്ക് എംപ്ലോയീസ് അസോസിയേഷൻ, ഓൾ ഇന്ത്യ ബാങ്ക് ഓഫീസേഴ്സ് അസോസിയേഷൻ, ബാങ്ക് എംപ്ലോയീസ് ഫെഡറേഷൻ ഓഫ് ഇന്ത്യ(ബെഫി)എന്നിവ പണിമുടക്കിൽ പങ്കെടുക്കുന്നുണ്ട്.
സംസ്ഥാനത്തെ ഭൂരിഭാഗം ജീവനക്കാരും ഈ മൂന്നുസംഘടനകളിൽ പ്രവർത്തിക്കുന്നതിനാൽ ദേശസാൽകൃത ബാങ്കുകൾ, സഹകരണ, ഗ്രാമീണ ബാങ്കുകൾ, മറ്റ് സ്വകാര്യബാങ്കുകൾ എന്നിവയുടെ പ്രവർത്തനത്തെ പ്രതികൂലമായി ബാധിക്കും. എന്നാൽ പുതുതലമുറ ബാങ്കുകളായ എച്ച്ഡിഎഫ്സി, ഐസിഐസി പ്രവർത്തിക്കാൻ സാധ്യതയുണ്ട്. പണിമുടക്കിനുശേഷം 30,31 തിയതികളിൽ ബാങ്കുകൾ പ്രവർത്തിക്കും. ഏപ്രിൽ ഒന്നിന് വീണ്ടും അവധി.
