ന്യൂഡൽഹി: മൾട്ടിപ്ലക്സ് ഭീമന്മാരായ ഐ-നോക്സും പിവിആറും ഒന്നായി. രണ്ട് കമ്പനികളും ലയിച്ച് പിവിആർ ഐ-നോക്സ് ലിമിറ്റഡ് രൂപീകരിച്ചു. രാജ്യത്ത് 1500ലധികം സ്ക്രീനുകളിലായാണ് ഇനി പിവിആർ ഇനോക്സ് സിനിമ പ്രദർശനം നടത്തുക.
ഇരു കമ്പനികളിലെയും ഷെയർഹോൾഡർമാരുടെ അംഗീകാരവും സെബി, സ്റ്റോക്ക് എക്സ്ചേഞ്ച് എന്നിവയുടെ അനുമതിയും ലഭിച്ചുകഴിയുമ്പോൾ മാത്രമേ ലയനം പൂർത്തിയാകൂവെന്ന് പിവിആർ ഐ-നോക്സ് അധികൃതർ അറിയിച്ചു.
രാജ്യത്തെ 109 നഗരങ്ങളിലായി 341 സ്ഥാപനങ്ങളിൽ 1,546 സ്ക്രീനുകളാണ് പിവിആറിനും ഐ-നോക്സിനുമുള്ളത്. ലയനം പൂർത്തിയായാലും നിലവിൽ തുടരുന്ന പിവിആർ, ഐ-നോക്സ് സ്ക്രീനുകൾ അതേ പേരിൽ തന്നെയാണ് തുടരുക. അജയ് ബിജ്ലിയായിരിക്കും പുതിയ കമ്പനിയുടെ എംഡി. സഞ്ജയ് കുമാർ എക്സിക്യൂട്ടീവ് ഡയറക്ടറാകും.
Comments