പ്രൊസസ്ഡ് ഫുഡ്‌സ് മനുഷ്യ ശരീരത്തെ പ്രതികൂലമായി ബാധിക്കുന്നതായി പഠനം. മധുരമുള്ളതോ ഉപ്പിട്ടതോ ആയ ലഘുഭക്ഷണങ്ങൾ, ശീതളപാനീയങ്ങൾ, ഇൻസ്റ്റന്റ് നൂഡിൽസ്, മാംസ ഉത്പന്നങ്ങൾ, പ്രൊസസ്ഡ് പിസ്സ, പാസ്ത, ബിസ്‌ക്കറ്റ്, പലഹാരങ്ങൾ തുടങ്ങിയ അൾട്രാ-പ്രോസസ്ഡ് ഭക്ഷണങ്ങളിൽ അവയുടെ നിർമ്മാണ സമയത്ത് ചേർക്കുന്ന വസ്തുക്കളാണ് മനുഷ്യശരീരത്തെ ദോഷകരമായി ബാധിക്കുന്നത്. മണത്തിനും നിറത്തിനുമെല്ലാം കൃത്രിമമായ ധാരാളം ചേരുവകൾ ചേർക്കുന്നുണ്ട്. ഇവയെല്ലാം ഗുരുതരമായി തന്നെ മനുഷ്യശരീരത്തെ ബാധിക്കുകയും ചെയ്യും.
ആഗോളതലത്തിൽ തന്നെ ഇത്തരത്തിലുള്ള ഭക്ഷണ വസ്തുക്കളുടെ ഉപയോഗം കൂടി വരികയാണെന്നാണ് റിപ്പോർട്ടുകൾ പറയുന്നത്. വരുമാനം തീരെ കു്‌റഞ്ഞ രാജ്യങ്ങളിലും ഇടത്തരം വരുമാനം ഉള്ള രാജ്യങ്ങളിലുമാണ് ഇവയുടെ ഉപയോഗം വർധിക്കുന്നതെന്നാണ് കണ്ടെത്തൽ. ബ്രസീൽ, യുഎസ്, ഓസ്ട്രേലിയ എന്നിവിടങ്ങളിൽ നിന്നുള്ള പോഷകാഹാര വിദഗ്ധരാണ് ഈ വിഷയത്തിൽ പഠനം നടത്തിയത്.
മനുഷ്യശരീരത്തിന് ആവശ്യമായ ആരോഗ്യകരമായ ഭക്ഷണക്രമത്തെയാണ് ഇത് മാറ്റി മറിക്കുന്നത്. കൃത്യമായ പോഷണങ്ങളും പ്രൊസസ്ഡ് ഭക്ഷണം കഴിക്കുന്നതിലൂടെ ലഭിക്കുന്നില്ല. മനുഷ്യരുടെ ഊർജ്ജ ഉപയോഗത്തിന്റെ 90 ശതമാനവും 15 തരം വിളകളിൽ നിന്നാണെന്നാണ് പറയുന്നത്. നാല് കോടിയലധികം ആളുകൾ തിൽ മൂന്നെണ്ണത്തെ മാത്രമാണ് ആശ്രയിക്കുന്നത്. അരി, ഗോതമ്പ്, ചോളം എന്നിവയാണവ. അൾട്രാ-പ്രോസസ്ഡ് ഫുഡുകളുടെ ഉത്പാദനത്തിൽ ഈ ധാന്യങ്ങളിൽ നിന്നും വേർതിരിച്ചെടുത്ത ചേരുവകളാണ് കൂടുതലായും ഉപയോഗിക്കുന്നത്. മൃഗക്കൊഴുപ്പുകളും ഭൂരിഭാഗം ഭക്ഷണങ്ങളിലും ഉപയോഗിക്കുന്നുണ്ട്. സാധാരണ ഭക്ഷണക്രമത്തിൽ നിന്ന് മാറിയുള്ള ഈ ഭക്ഷണ ഉപയോഗം ഏറെ പ്രതികൂലമായ രീതിയിൽ മനുഷ്യ ശരീരത്തെ ബാധിക്കുമെന്നാണ് റിപ്പോർട്ട് വ്യക്തമാക്കുന്നു.
