ഉൽക്കാവർഷമോ അതോ ചൈനീസ് റോക്കറ്റിന്റെ കഷ്ണമോ? ആകാശത്ത് ദൃശ്യമായ ‘അജ്ഞാത’ വസ്തു എന്തെന്ന് അറിയാതെ ആളുകൾ

മുംബൈ: മഹാരാഷ്‌ട്രയിലും മദ്ധ്യപ്രദേശിലും രാത്രി ഉൽക്കാവർഷങ്ങളായി തോന്നുന്ന തരത്തിൽ ആകാശത്ത് ഒരു പ്രകാശം കണ്ടതായി റിപ്പോർട്ട്. മഹാരാഷ്‌ട്രയിലെ നാഗ്പൂർ, മദ്ധ്യപ്രദേശിലെ ജാബുവ, ബർവാനി ജില്ലകളിലാണ് ഉൽക്കാവർഷം എന്ന് തോന്നുന്നിക്കുന്ന പ്രതിഭാസം ആകാശത്ത് ദൃശ്യമായത്. ഇതിന്റെ ദൃശ്യങ്ങൾ സമൂഹമാദ്ധ്യമങ്ങളിൽ പ്രചരിക്കുകയാണ്.

#WATCH | Maharashtra: In what appears to be a meteor shower was witnessed over the skies of Nagpur & several other parts of the state. pic.twitter.com/kPUfL9P18R

— ANI (@ANI) April 2, 2022

എന്നാൽ, 2021 ഫെബ്രുവരിയിൽ വിക്ഷേപിച്ച ചൈനീസ് റോക്കറ്റിന്റെ ഭാഗമാണിതെന്നാണ് സെന്റർ ഫോർ ആസ്‌ട്രോഫിസിക്‌സിലെ ജ്യോതിശാസ്ത്രജ്ഞനായ ജോനാഥൻ മക്ഡവൽ അഭിപ്രായപ്പെടുന്നത്. അതേസമയം, ഏതെങ്കിലും ഒരു രാജ്യത്തിന്റെ ഉപഗ്രഹം ആകസ്മികമായി ഭൂമിയുടെ അന്തരീക്ഷത്തിൽ പതിച്ചതാകാം എന്നാണ് ഇതെന്നാണ് നാഗ്പൂരിലെ സ്‌കൈവാച്ച് ഗ്രൂപ്പ് പ്രസിഡന്റ് സുരേഷ് ചോപഡെയുടെ അഭിപ്രായം.

ബഹിരാകാശത്ത് നിന്നും ഭൂമിയുടെ അന്തരീക്ഷത്തിലേയ്‌ക്ക് അതിവേഗത്തിൽ പ്രവേശിക്കുന്ന പാറക്കഷണങ്ങളും തരികളുമാണ് ഉൽക്കകൾ. സെക്കൻഡിൽ 11 മുതൽ 70 കിലോമീറ്റർ വേഗത്തിലാണ് ഇവ വരുന്നത്. ഇവ ഭൂമിയിടെ അന്തരീക്ഷത്തിൽ പ്രവേശിക്കുമ്പോൾ, വായുവുമായുള്ള ഘർഷണം മൂലം ചൂടു പിടിക്കുന്നു. സാധാരണ ഗതിയിൽ ഇവ അന്തരീക്ഷത്തിൽ തന്നെ കത്തി തീരും. ഏതാനു സെക്കൻഡുകൾ കൊണ്ടാണ് ഇവ കത്തി തീരുന്നത്. അതിനാൽ തന്നെ ആകാശത്ത് നിന്നും ഇവ പെട്ടെന്ന് അപ്രത്യക്ഷമാകും.