ബീജിങ്: പ്രസിഡന്റ് ഷി ജിൻ പിംഗിനെ ദേശീയ സിലബസിന്റെ ഭാഗമാക്കി ചൈന.’ ഷി ജിൻ പിംഗ് ‘കാലഘട്ടത്തിന്റെ ചരിത്രപരമായ പ്രധാന്യം എന്ന വിഷയത്തിന് മുൻഗണന നൽകാൻ ചൈനീസ് കമ്യൂണിസ്റ്റ് പാർട്ടി കേന്ദ്ര കമ്മിറ്റി ഉത്തരവിട്ടു. പ്രസിഡന്റിനെ കുറിച്ചുള്ള പാഠഭാഗങ്ങൾ ദേശീയ സിലബസിലും കേഡർ ട്രെയിനിങ്ങിലും റിസർച്ച് പ്രവർത്തനങ്ങളിലും ഉൾപ്പെടുത്തണമെന്നാണ് പാർട്ടി ഉത്തരവ്.
ചൈനീസ് കമ്യൂണിസ്റ്റ് പാർട്ടിയുടെ 100 വർഷത്തെ ചരിത്രത്തേയും രാജ്യത്തിന്റെ പുരോഗതിയ്ക്ക് പ്രസിഡന്റ് ഷി ജിൻ പിംഗിന്റെ അത്യപൂർവ്വമായ സംഭവനയേയും ഉൾപ്പെടുത്തണമെന്നാണ് പാർട്ടി ഉത്തരവിലൂടെ വ്യക്തമാക്കുന്നത്.
പാർട്ടി ചരിത്രം പഠിക്കുന്നത് കരിയറിന്റെ വികസനത്തിന് ആവശ്യമാണ്. കാരണം ചരിത്രം പഠിക്കുന്നതിലൂടെ ധാർമ്മികതയെ ബഹുമാനിക്കുന്നതിനും സ്വയം പ്രാബല്യത്തിൽ വരുത്താനും സഹായിക്കുമെന്ന് നിർദ്ദേശത്തിൽ പറയുന്നു
‘പാർട്ടിയ്ക്ക് മഹത്തായ ഒരു ഭൂതകാലവും ശോഭനമായ ഭാവിയുമാണ് ഉള്ളത്. ചരിത്രപരമായി പുരോഗതിയുടെ ഓരോ ഘട്ടവും മനസിലാക്കിയതുകൊണ്ടാണ് പാഠഭാഗമാക്കാൻ ഉത്തരവിടുന്നത്. പ്രസിഡന്റിനേയും അദ്ദേഹത്തിന്റെ ചിന്തയേയും നാം ഉയർത്തി പിടിക്കേണ്ടത്, പാർട്ടി എന്തിനാണ് എന്ന് നാം ഓർക്കേണ്ടതുണ്ട്, ജനങ്ങളെ സേവിക്കാനാണെന്ന് ഉത്തരവിൽ പറയുന്നു.
പാർട്ടിയുടെ ചരിത്രത്തെ കുറിച്ചുള്ള ജനറൽ സെക്രട്ടറി ഷി ജിൻ പിംഗിന്റെ സുപ്രധാന വിവരണത്തെ കുറിച്ച് ആഴത്തിലുള്ള പഠനം നടത്താനാണ് പാർട്ടി ആവശ്യപ്പെടുന്നത്.രാജ്യത്തെ പൗരന്മാർ കർശനമായി പാലിക്കേണ്ട ആറ് നിബന്ധനകളോടെയാണ് നിർദ്ദേശം വരുന്നത്.
