ന്യൂഡൽഹി: ലോക ആരോഗ്യദിനത്തോടനുബന്ധിച്ച് ഏവർക്കും ആരോഗ്യകരമായ ജീവിതം ആശംസിച്ച് കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ. ആരോഗ്യകരമായ ഒരു സമൂഹത്തെ വാർത്തെടുക്കാൻ നമുക്ക് എല്ലാവർക്കും പ്രതിജ്ഞയെടുക്കാമെന്നും അദ്ദേഹം ട്വിറ്ററിൽ കുറിച്ചു.
‘ഏവരും സന്തോഷത്തോടെ ജീവിക്കട്ടെ
സർവ്വേ സന്തു നിരാമയഃ
ഇന്ന് ലോക ആരോഗ്യദിനം
എല്ലാവർക്കും ആരോഗ്യകരമായ ജീവിതം ആശംസിക്കുന്നു. ആരോഗ്യകരമായ ഒരു സമൂഹത്തെ സൃഷ്ടിക്കാൻ നമുക്ക് എല്ലാവർക്കും പ്രതിജ്ഞയെടുക്കാം’ മൻസുഖ് മാണ്ഡവ്യ ട്വീറ്റ് ചെയ്തു. ‘നമ്മുടെ ഗ്രഹം, നമ്മുടെ ആരോഗ്യം’ എന്നതാണ് ഈ വർഷത്തെ ലോകാരോഗ്യ ദിനത്തിന്റെ പ്രമേയം.
सर्वे भवन्तु सुखिनः
सर्वे सन्तु निरामयाः।आज #WorldHealthDay के अवसर पर मैं सभी के स्वस्थ जीवन की कामना करता हूं। आइए हम सब मिलकर एक स्वस्थ समाज बनाने का संकल्प ले। pic.twitter.com/37eQYScaOb
— Dr Mansukh Mandaviya (@mansukhmandviya) April 7, 2022
ലോകാരോഗ്യ സംഘടന സ്ഥാപിതമായത് 1948 ഏപ്രിൽ 7 നാണ്. ഇതിന്റെ ഓർമ്മയ്ക്കായാണ് എല്ലാ വർഷവും ലോകാരോഗ്യ ദിനം ആചരിക്കുന്നത്. ലോകാരോഗ്യ സംഘടന ഐക്യരാഷ്ട്രസഭയുടെ (യുഎൻ) ആരോഗ്യ വിദഗ്ധ ഏജൻസിയാണ്.
1950ലാണ് ലോകാരോഗ്യ ദിനം ആചരിക്കാൻ തുടങ്ങിയത്. അതേ വർഷം, ലോകാരോഗ്യ സംഘടനയുടെ ആദ്യത്തെ ലോകാരോഗ്യ അസംബ്ലി നടന്നു, അന്നുമുതലാണ് എല്ലാ വർഷവും ഈ ദിനം ലോകാരോഗ്യ ദിനമായി ആഘോഷിക്കാൻ തീരുമാനിച്ചത്.
Comments