ന്യൂഡൽഹി: രാജ്യത്ത് കൊറോണ വ്യാപനം കുറയുന്നു. കഴിഞ്ഞ 24 മണിക്കൂറിനിടെ ഇന്ത്യയിൽ 1,109 പോസിറ്റിവ് കേസുകൾ മാത്രമാണ് സ്ഥിരീകരിച്ചത്. ഇതോടെ ചികിത്സയിൽ കഴിയുന്നവരുടെ എണ്ണം 11,492 ആയി കുറഞ്ഞു. 43 മരണവും കൊറോണ മൂലമാണെന്ന് കണ്ടെത്തിയിട്ടുണ്ട്. ഇതോടെ രാജ്യത്തെ ആകെ കൊറോണ മരണം 5,21,573 ആയി ഉയർന്നു. 1.21 ശതമാനമാണ് കൊറോണ മരണ നിരക്ക്.
അതേസമയം 1,213 പേർ രോഗമുക്തി നേടി. കഴിഞ്ഞ രണ്ട് വർഷത്തിനിടെ വൈറസ് സ്ഥിരീകരിച്ച 42.50 കോടിയാളുകൾ ഇതുവരെ രോഗമുക്തി നേടിയിട്ടുണ്ട്. ഇതുവരെ 185.38 കോടി വാക്‌സിൻ ഡോസുകൾ രാജ്യത്ത് വിതരണം ചെയ്തിട്ടുണ്ടെന്നും കേന്ദ്ര ആരോഗ്യമന്ത്രാലയം അറിയിച്ചു.
രാജ്യത്ത് കൊറോണ വ്യാപനം കുറഞ്ഞതിന്റെ പശ്ചാത്തലത്തിൽ വിവിധ സംസ്ഥാനങ്ങളിൽ കൊറോണ നിയന്ത്രണങ്ങൾ പിൻവലിച്ചിട്ടുണ്ട്. ഇന്നലെയാണ് കേരളത്തിൽ നിയന്ത്രണങ്ങൾ പിൻവലിച്ചത്. അതിനാൽ മാർഗനിർദേശങ്ങൾ ലംഘിച്ചാൽ ഇനി കേസെടുക്കില്ല. അതേസമയം സുരക്ഷ മുൻനിർത്തി ജനങ്ങൾ മാസ്‌ക് ധരിക്കുന്നത് തുടരണമെന്നാണ് ആരോഗ്യ വിദഗ്ധരുടെ നിർദേശം.
Comments