ഗുവാഹട്ടി : അസമിൽ പശുക്കടത്ത് സംഘത്തെ ഏറ്റുമുട്ടലിൽ കീഴ്പ്പെടുത്തി പോലീസ്. രണ്ട് പേരെ അറസ്റ്റ് ചെയ്തു. പോലീസിന്റെ വെടിയേറ്റ് ഒരാൾ കൊല്ലപ്പെട്ടു. നഹായത്ത് മേഖലയിൽ ആയിരുന്നു സംഭവം.
രാവിലെയോടെയാണ് ഏറ്റുമുട്ടൽ ഉണ്ടായത്. കാറിൽ മോഷ്ടിച്ച പശുവുമായി ഒരു സംഘം വരുന്നതായി പോലീസിന് രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തിൽ പരിസരത്ത് വാഹന പരിശോധന നടത്തുന്നതിനിടെയായിരുന്നു ഏറ്റുമുട്ടൽ ഉണ്ടായത്. പോലീസുകാരെ കണ്ട ഇവർ കാർ നിർത്താതെ പോയി. ഇതോടെ പോലീസും പിന്തുടർന്നു. ഇതിനിടെ വാഹനത്തിൽ നിന്നും വെടിയുതിർക്കുകയായിരുന്നു. പോലീസും ശക്തമായ തിരിച്ചടിച്ചു.
നാല് പേരാണ് വാഹനത്തിൽ ഉണ്ടായിരുന്നത്. പശുക്കടത്ത് സംഘത്തിലെ പ്രധാനി പോലീസിനെ വെട്ടിച്ച് കടന്നു കളഞ്ഞു. ഇയാൾക്കായി തിരച്ചിൽ തുടരുകയാണ്. ഇവർ സഞ്ചരിച്ചിരുന്ന കാർ പോലീസ് കസ്റ്റഡിയിൽ എടുത്തു. ഡിക്കിയ്ക്ക് അടിയിൽ നിന്നും പശുക്കളെയും കണ്ടെടുത്തിട്ടുണ്ട്.
