യഷ് നായകനായ ചിത്രം കെജിഎഫ് ചാപ്റ്റർ 2 നാലാം ദിനം ആഗോളതലത്തിൽ 500 കോടി ക്ലബിൽ ഇടം പിടിച്ചു. സംവിധായകൻ പ്രശാന്ത് നീലിന്റെ ചിത്രം ആദ്യ ദിനം മുതൽ മികച്ച കളക്ഷനാണ് നേടി കൊണ്ടിരിക്കുന്നത്. സിനിമ എല്ലാ ഭാഷകളിലും റെക്കോർഡുകൾ തകർത്തു കൊണ്ടിരിക്കുകയാണ്.
ബാഹുബലി 2, ദംഗൽ തുടങ്ങിയ ചിത്രങ്ങളുടെ കളക്ഷനുകളെ കെജിഎഫ് 2 പിന്നിലാക്കി. ഹിന്ദി പതിപ്പ് വെറും രണ്ട് ദിവസം കൊണ്ട് 100.74 കോടി നേടി. റിലീസ് ചെയ്ത് മൂന്നാം ദിവസം 140 കോടി കടന്നിരുന്നു.
#KGFChapter2 WW Box Office
CROSSES ₹500 cr milestone mark in just 4 days.
Day 1 – ₹ 165.37 cr
Day 2 – ₹ 139.25 cr
Day 3 – ₹ 115.08 cr
Day 4 – ₹ 132.13 cr
Total – ₹ 551.83 cr#2 at the global box office after fantastic beasts. #Yash #KGF2
— Manobala Vijayabalan (@ManobalaV) April 18, 2022
കെജിഎഫ് ചാപ്റ്റർ 2 എന്ന ചിത്രം റിലീസ് ചെയ്ത് മൂന്ന് ദിവസങ്ങൾക്കുള്ളിൽ ലോകമെമ്പാടും നിന്നായി 400 കോടി രൂപ നേടിയിരുന്നു. ആദ്യ ദിനത്തിൽ 165.37 കോടി, രണ്ടാം ദിനത്തിൽ 139.25 കോടി, മൂന്നാം ദിനത്തിൽ 115.08 കോടി, നാലാം ദിനത്തിൽ 132.13 കോടി എന്നിങ്ങനെയാണ് കളക്ഷൻ നേടിയത്. നാല് ദിവസം കൊണ്ട് ആഗോളതലത്തിൽ 555.18 കോടി രൂപ നേടിയതായി സിനിമാ അനലിസ്റ്റ് മനോബാല വിജയബാലൻ വെളിപ്പെടുത്തി. ആഗോള ബോക്സ് ഓഫീസിൽ Fantastic Beasts-ന് ശേഷം രണ്ടാം സ്ഥാനത്താണ് കെജിഎഫ് 2. കൂടാതെ യുഎസ്എ ബോക്സ് ഓഫീസിൽ ചിത്രം 4 മില്യൺ ഡോളർ മറികടക്കുന്നുവെന്ന നാഴികക്കല്ലും പിന്നിട്ടുവെന്ന് അദ്ദേഹം വ്യക്തമാക്കി.
#KGFChapter2 HITS a new milestone at the USA🇺🇸 Box Office.
CROSSES $4M mark in the 4th day from reported locations.
💵$4,135,419[₹31.57 cr] #Yash #KGF2
— Manobala Vijayabalan (@ManobalaV) April 17, 2022
ഈ ചിത്രം ആഗോളതലത്തിൽ ആദ്യ വാരാന്ത്യത്തിൽ ഗ്ലോബൽ ടോപ്പ് 10 ഓപ്പണിംഗ് ഇടംനേടിയ ഏക ഇന്ത്യൻ സിനിമയായി മാറിയെന്നും അനലിസ്റ്റ് സൂചിപ്പിച്ചു. ചിത്രത്തിൽ യഷിനെ കൂടാതെ സഞ്ജയ് ദത്തും പ്രധാന വേഷത്തിൽ അഭിനയിച്ചിട്ടുണ്ട്. പ്രശാന്ത് നീൽ സംവിധാനം ചെയ്ത ചിത്രത്തിൽ ശ്രീനിധി ഷെട്ടി, രവീണ ടണ്ഠൻ, അർച്ചന ജോയിസ് തുടങ്ങി നിരവധി താരങ്ങൾ അഭിനയിച്ചിട്ടുണ്ട്.
Debuts at #2 globally for the opening weekend.
First movie from Sandalwood to get into Global Top 10 opening weekend.
Only Indian movie to get into Global top 10 for the weekend April 15-17.#KGF2
— Manobala Vijayabalan (@ManobalaV) April 18, 2022
