ജവാന്മാര്‍ സഞ്ചരിച്ച ബസിന് നേരെ ഗ്രനേഡ് ആക്രമണം നടത്തി ഭീകരര്‍; സിസിടിവി ദൃശ്യങ്ങള്‍ പുറത്ത്

ജമ്മു: ജമ്മു കശ്മീരില്‍ കഴിഞ്ഞ ദിവസം സിഐഎസ്എഫ് വാഹനത്തിന് നേരെയുണ്ടായ ഭീകരാക്രമണത്തിന്റെ സിസിടിവി ദൃശ്യങ്ങള്‍ പുറത്ത് വന്നു. 15 ജവാന്മാരുമായി പോവുകയായിരുന്ന ബസിന് നേരെ ആയിരുന്നു കഴിഞ്ഞ ദിവസം ആക്രമണം ഉണ്ടായത്. ജമ്മുവിലെ സുന്‍ജ്വാന്‍ മേഖലയില്‍ റോഡിന് നടുവിലായി ബസ് നിര്‍ത്തി ഇട്ടിരിക്കുന്നത് വീഡിയോയില്‍ കാണാം. ഇതിന് തൊട്ടുപിന്നാലെയാണ് ബസിന് നേരെ ഗ്രനേഡ് ആക്രമണം ഉണ്ടാകുന്നത്. നിരവധി തവണ ബസിന് നേരെ വെടിവയ്പ്പ് ഉണ്ടാകുന്നതും ദൃശ്യങ്ങളില്‍ നിന്ന് വ്യക്തമാണ്.

#WATCH CCTV footage of the terrorist attack on the bus carrying CISF personnel in the Sunjwan area of Jammu early yesterday

(Source unverified) pic.twitter.com/2TUzFIupZy

— ANI (@ANI) April 23, 2022

ജമ്മുവിലെ ഛദ്ദ ക്യാമ്പിന് സമീപം പുലര്‍ച്ചെ 4.25 ഓടെയായിരുന്നു ആക്രമണം. പതിവ് ഡ്യൂട്ടിക്ക് പോകുന്നതിനിടെയായിരുന്നു ഭീകരരുടെ ആക്രമണം. ആക്രമണത്തില്‍ ഒരു അസി.സബ്.ഇന്‍സ്‌പെക്ടര്‍ വീരമൃത്യു വരിക്കുകയും മറ്റ് രണ്ട് പേര്‍ക്ക് ഗുരുതരമായി പരിക്കേല്‍ക്കുകയും ചെയ്തു. പ്രദേശത്ത് ഉടന്‍ തന്നെ ഭീകരരുമായി സൈന്യം ഏറ്റുമുട്ടുകയും ചെയ്തിരുന്നു. പ്രധാനമന്ത്രി നരേന്ദ്രമോദി ഞായറാഴ്ച സാംബ ജില്ലയില്‍ സന്ദര്‍ശനം നടത്താനിരിക്കെയായിരുന്നു ആക്രമണം.