ആലപ്പുഴ: ആലപ്പുഴ ദേശീയപാതയിൽ വാഹനാപകടം. ലോറിയും കാറും കൂട്ടിയിടിച്ച് നാല് പേർ മരിച്ചു. അമ്പലപ്പുഴ പായൽകുളങ്ങര ദേശീയ പാതയിലാണ് സംഭവം.
ഇന്ന് പുലർച്ചെയായിരുന്നു അപകടം. കാറിൽ അഞ്ച് പേർ ഉണ്ടായിരുന്നു. ഇതിൽ നാല് പേരും മരിച്ചതായി പോലീസ് സ്ഥിരീകരിച്ചു. തിരുവനന്തപുരം സ്വദേശികളാണെന്നാണ് പോലീസ് നൽകുന്ന വിവരം.
വിമാനത്താവളത്തിലേക്ക് പോകും വഴിയായിരുന്നു അപകടം ഉണ്ടായത്. എതിർദിശയിൽ വന്ന ലോറിയും കാറും കൂട്ടിയിടിക്കുകയായിരുന്നു. ഡ്രൈവർ ഉറങ്ങിപ്പോയതാകാം കാരണമെന്നാണ് പോലീസിന്റെ നിഗമനം.
