പത്തനംതിട്ട: ഡിവൈഎഫ്‌ഐ സംസ്ഥാന സമ്മേളനത്തിൽ മന്ത്രി മുഹമ്മദ് റിയാസിനും അഖിലേന്ത്യ അധ്യക്ഷൻ എ.എ.റഹീമിനും വിമർശനം. സംഘടനയിൽ വ്യക്തിപരമായി സ്വാധീനം ഉറപ്പിക്കാൻ രണ്ട് നേതാക്കളും ശ്രമിക്കുന്നുണ്ടെന്നാണ് ആക്ഷേപം. മുഹമ്മദ് റിയാസ്, എഎ റഹിം, എസ് സതീശ് എന്നിവരടങ്ങിയ കോക്കസ് ആണ് സംഘടനയെ നയിക്കുന്നതെന്നും പ്രതിനിധികൾ കുറ്റപ്പെടുത്തി.
മുൻ കാലങ്ങളിൽ സ്വയം വിമർശനം നടത്തിയിരുന്ന സംഘടനാ റിപ്പോർട്ടിൽ ഇക്കുറി അത്തരമൊരു ആത്മപരിശോധന നടത്തിയിട്ടില്ലെന്നും ചില പ്രതിനിധികൾ കുറ്റപ്പെടുത്തി. ലഹരിമാഫിയക്കാരും ഗുണ്ടാ സംഘടനകളും സംഘടനയെ മറയാക്കി പ്രവർത്തിക്കുന്നുണ്ടെന്ന വിമർശനവും ചർച്ചയിൽ ഉയർന്നു സംഘടനയുടെ പേരിൽ ചിലർ സ്വന്തം ആവശ്യങ്ങൾക്ക് സമൂഹമാദ്ധ്യമങ്ങളിൽ പ്രചാരണം നടത്തുന്ന നിലയുണ്ടെന്നും വിമർശനം ഉയർന്നു.
