ചെന്നൈ:ഭാരതീയരുടെ കലാപ്രാവീണ്യത്തേയും സംസ്കാരത്തേയും പുകഴ്ത്തി നോർവേ മുൻമന്ത്രിയും പരിസ്ഥിതി പ്രവർത്തകനുമായ എറിക് സോൾ. തമിഴ്നാട്ടിലെ തിരുച്ചിറപ്പള്ളിയിലെ ജംബുകേശ്വർ ക്ഷേത്രത്തിലെ കൊത്തുപണികളുടെ ചിത്രം പങ്കുവെച്ചാണ് അദ്ദേഹം ഭാരതസംസ്കാരത്തെ വാനോളം പുകഴ്ത്തിയത്.
ലോകം 2ഡി ആർട്ട് വരയ്ക്കാൻ പഠിക്കുമ്പോൾ ഭാരതീയർ 1,800 വർഷങ്ങൾക്ക് മുൻപ് തന്നെ ത്രീഡിയിലെ കലാരൂപങ്ങൾ ലോകത്തിന് നൽകുകയായിരുന്നു. അവിശ്വസനീയമായ ഇന്ത്യ എന്നാണ് അദ്ദേഹം വിശേഷിപ്പിച്ചത്. എന്തായാലും എറിക് സോളിന്റെ ട്വീറ്റ് ഇപ്പോൾ സമൂഹമാദ്ധ്യമങ്ങളിൽ വൈറലാണ്. എറികിന്റെ അഭിപ്രായത്തെ ശരിവെച്ചു കൊണ്ട് നിരവധി വിദേശികളും ഇന്ത്യക്കാരുമാണ് ട്വീറ്റ് പങ്കുവെച്ചിരിക്കുന്നത്.
Incredible India 🇮🇳!
When the world was learning to draw 2D Art, Ancient Indians were delivering 3D masterpieces 1800+ years ago..Jambukeshwar temple, Tiruchirappalli, Tamil Nadu. pic.twitter.com/fHZpSLe5Yq
— Erik Solheim (@ErikSolheim) April 29, 2022
ഇതിന് മുൻപും ഇന്ത്യയെ പ്രശംസിച്ച് വാർത്തകളിൽ ഇടം പിടിച്ചയാളാണ് എറിക്. മുൻപ് ഇന്ത്യ ലോകത്തെ അതിവേഗം വളരുന്ന സമ്പദ് വ്യവസ്ഥയാണെന്നും ലോകത്തിന് പ്രതീക്ഷയാണെന്നും അദ്ദേഹം പറഞ്ഞിരുന്നു.
തമിഴ്നാട്ടിലെ തിരുച്ചിറപ്പള്ളിയിൽ സ്ഥിതി ചെയ്യുന്ന വളരെ പ്രശസ്തമായ ഒരു ശിവക്ഷേത്രമാണ് ജംബുകേശ്വരർ ക്ഷേത്രം. 1,800 വർഷം പഴക്കമുള്ള ആദ്യകാല ചോള രാജവംശത്തിലെ ആളുകളാണ് ഈ ക്ഷേത്രം നിർമ്മിച്ചതെന്ന് വിശ്വസിക്കപ്പെടുന്നു.പഞ്ചഭൂതങ്ങളിലെ ജലത്തെയാണ് ഈ ഈ ക്ഷേത്രം പ്രതിനിധീകരിക്കുന്നത്.
