പൂനെ: ചെന്നൈയ്ക്ക് മുന്നിൽ മികച്ച ലക്ഷ്യവുമായി റോയൽ ചലഞ്ചേഴ്സ് ബാംഗ്ലൂർ. ടോസ് നേടിയ ധോണി ഡ്യൂപ്ലെസിസ് നയിക്കുന്ന ബാംഗ്ലൂരിനെ ബാറ്റിംഗിന് അയയ്ക്കുകയായിരുന്നു. കോഹ്ലി(30)-ഡ്യൂപ്ലെസിസ്(38) ഓപ്പണിംഗ് കൂട്ടുകെട്ടിന് തുടക്കം മികച്ചതാക്കാൻ സാധിച്ചതാണ് പൊരുതാനുള്ള സ്കോർ സമ്മാനിച്ചത്. ഇരുവരും ചേർന്ന് ഒന്നാം വിക്കറ്റിൽ 44 പന്തിൽ 62 റൺസ് അടിച്ചുകൂട്ടി.
മാക്സ്വെൽ(3) നിരാശപ്പെടുത്തിയെങ്കിലും മദ്ധ്യനിരയിൽ മഹിപാൽ ലോംറോർ(42) റൺസുമായി ഉറച്ചു നിന്നതോടെ സ്കോർ 150 കടന്നു. രജത് പടീദാർ(21) മികച്ച പിന്തുണ നൽകി. ഹസാരംഗ(0), ഷഹ്ബാസ് അഹമ്മദ്(1) ഹർഷൽ പട്ടേൽ(0) എന്നിവർ പെട്ടന്ന് പുറത്തായി. അവസാന ഓവറുകളിൽ മികച്ച ബാറ്റിംഗ് നടത്തുന്ന ദിനേശ് കാർത്തിക് പതിവു തെറ്റിച്ചില്ല. 17 പന്തിൽ 26 റൺസുമായി കാർത്തിക് പുറത്താകാതെ നിന്നു.
ചെന്നൈയ്ക്കായി വിരാട് കോഹ്ലിയേയും ഡ്യൂപ്ലെസിസിനേയും പുറത്താക്കി മൊയീൻ അലി മികച്ച ബൗളിംഗ് പുറത്തെടുത്തു.
Comments