തൃശ്ശൂർ : സോപാന സംഗീത കലാകാരി ആശാ സുരേഷ് സംഗീതം നൽകി ആലപിച്ച ആൽബം മാണിക്യകളഭത്തിന്റെ റിലീസ് ഇന്ന്. വൈകീട്ട് ഏഴ് മണിക്ക് കൂടൽ മാണിക്യക്ഷേത്രത്തിൽ പെരുവനം സതീശൻ മാരാരാണ് ആൽബം റിലീസ് ചെയ്യുക. കൂടൽ മാണിക്യക്ഷേത്രത്തിലെ ആന മേഘാർജ്ജുനെക്കുറിച്ച് എഴുതിയ സോപാന സംഗീതമാണ് മാണിക്യകളഭം.
വി. സുരേഷ് കുമാറാണ് ഗാനത്തിന്റെ രചന നിർവ്വഹിച്ചിരിക്കുന്നത്. വിഷ്ണുദത്ത് മേനോൻ സംവിധാനം ചെയ്ത ആൽബത്തിന്റെ ക്യാമറ കൈകാര്യം ചെയ്തിരിക്കുന്നത് ബിജീഷ് ആണ്. സുരേഷ്, രാധിക എന്നിവർ ചേർന്നാണ് ആൽബത്തിന്റെ നിർമ്മാണം. ഹരീഷ് ആണ് എഡിറ്റിംഗ് നിർവ്വഹിച്ചിരിക്കുന്നത്. ചമയം കീർത്തന സുരേഷ്. ഇരിങ്ങാലക്കുടയിലെ ബെൽ സ്റ്റുഡിയോയിലാണ് റെക്കോർഡിംഗ്. പ്രൊമോ റീൽസ് പ്രണവ് സി സുഭാഷ്.
