മുംബൈ:ഐപിഎല്ലിൽ ഇന്ന് രണ്ടു മത്സരങ്ങൾ. ടൂർണ്ണമെന്റിൽ നിന്ന് പുറത്തായ ചെന്നൈ സൂപ്പർ കിംഗ്‌സ് പോയിൻറ് പട്ടികയിൽ ഒന്നാം സ്ഥാനത്ത് നിൽക്കുന്ന ഗുജറാത്തിനെ നേരിടുമ്പോൾ രണ്ടാം പോരാട്ടത്തിൽ രണ്ടാം സ്ഥാനക്കാരായ ലക്‌നൗ പ്ലേ ഓഫ് ഉറപ്പിക്കാൻ പോരാടുന്ന രാജസ്ഥാനെ നേരിടും. ഇന്ന് 62-63 മത്സരങ്ങളാണ് നടക്കാനിരിക്കുന്നത്.
ഇന്നത്തെ ആദ്യ പോരാട്ടത്തിൽ നിലവിൽ 12 മത്സരങ്ങളിൽ 9 ലും ജയിച്ച ഗുജറാത്തിനാണ് മേൽകൈ. ചെന്നൈ ആകെ 4 മത്സരം മാത്രമാണ് ജയിച്ചത്. ടൂർണ്ണമെന്റിൽ നിന്ന് പുറത്തായ തോടെ സമ്മർദ്ദ രഹിതമായി കളിക്കാനിറങ്ങുന്ന ചെന്നൈക്കെതിരെ ഗുജറാത്തിന് ജയിക്കാൻ വിയർക്കേണ്ടിവരും.
രണ്ടാം മത്സരത്തിൽ 12ൽ 8ലും ജയിച്ചു നിൽക്കുന്ന ലക്‌നൗ പ്ലേ ഓഫിനായി പരിശ്രമിക്കുന്ന രാജസ്ഥാനെ നേരിടണം. ബംഗളൂരുവും ഡൽഹിയും ഭീഷണിയായി നിൽക്കുന്നതിനാൽ രാജസ്ഥാന് ഇനിയുള്ള രണ്ട് കളികളും ജയിക്കുക തന്നെ വേണം രാജസ്ഥാൻ 12ൽ 7 ജയം നേടി നിൽക്കുകയാണ്. 13 മത്സരം കളിച്ച് 7 ജയമാണ് ബംഗളൂരുവിനുള്ളത്. 12 കളികളിലായി 6 ജയമാണ് ഡൽഹിക്കുള്ളത്.
Comments