അഹമ്മദാബാദ് : അമേരിക്കൻ മൾട്ടിനാഷണൽ ഫാസ്റ്റ് ഫുഡ് കോർപ്പറേഷനായ മക്ഡൊണാൾഡ്സിലെ ശീതള പാനീയത്തിൽ ചത്ത പല്ലിയെ കണ്ടെത്തി. അഹമ്മദാബാദിനെ സയൻസ് സിറ്റി റോഡിലുള്ള മക്ഡൊണാൾഡ്സ് ഔട്ട്ലെറ്റിലാണ് സംഭവം. നാട്ടുകാർ പരാതിപ്പെട്ടതിന് പിന്നാലെ അഹമ്മദാബാദ് മുൻസിപ്പൽ കോർപ്പറേഷൻ കട പൂട്ടി സീൽ വെച്ചു.
മക്ഡൊണാൾഡ്സിൽ എത്തി കോക്ക് ഓർഡർ ചെയ്ത യുവാക്കൾക്കാണ് ചത്ത പല്ലി വീണ പാനീയം ലഭിച്ചത്. ഉടൻ ഒരാൾ ഇതിന്റെ വീഡിയോ എടുത്ത് സമൂഹമാദ്ധ്യമങ്ങളിൽ പങ്കുവെച്ചു. അഹമ്മദാബാദ് പോലീസിനെയും മുൻസിപ്പൽ കോർപ്പറേഷനെയും പോസ്റ്റിൽ ടാഗ് ചെയ്തു.
@normmacdonald @rory_macdonald @Amy__Macdonald @MacDoesIt @LizMacDonaldFOX @HelenJMacdonald @HelenJMacdonald @frankiemacd @Euan_MacDonald @tv9gujarati @sandeshnews @anjanaomkashyap @htTweets @TimesNow @timesofindia @timesofindia pic.twitter.com/Zb54cPp5bD
— Bhargav joshi (@Bhargav21001250) May 23, 2022
സംഭവത്തിൽ മക്ഡൊണാൾഡ്സ് മാനേജർക്ക് പരാതി നൽകിയെങ്കിലും അവർ നഷ്ടപരിഹാരം നൽകിയില്ലെന്നും വേണമെങ്കിൽ പാനീയത്തിനായി അടച്ച പണം റീഫണ്ട് ചെയ്യാമെന്ന് പറഞ്ഞുവെന്ന് യുവാക്കൾ ആരോപിച്ചു.
സംഭവത്തിൽ വീഡിയോ സമൂഹമാദ്ധ്യമങ്ങളിൽ വൈറലായതോടെ അഹമ്മദാബാദ് മുൻസിപ്പൽ കോർപ്പറേഷൻ ഉടനടി നടപടി എടുക്കുകയായിരുന്നു. കട പൂട്ടിച്ചതിന് പിന്നാലെ പാനീയത്തിന്റെ സാമ്പിൾ ശേഖരിച്ച് പരിശോധനയ്ക്ക് അയച്ചിട്ടുണ്ട്.
