കാഠ്മണ്ഡു: നേപ്പാളിൽ വിമാനം കാണാതായി. പൊഖാറയിൽ നിന്ന് ജോംസോമിലേക്ക് പോയ വിമാനമാണ് കാണാതായത്. വിമാനത്തിൽ 22 പേരുണ്ടായിരുന്നു. ഒടുവിൽ വിമാനത്താവളവുമായി ആശയവിനിമയം നടത്തിയത് ഞായറാഴ്ച രാവിലെയാണെന്ന് അധികൃതർ വ്യക്തമാക്കി.
താര എയറിന്റെ ഇരട്ട എഞ്ചിൻ എയർക്രാഫ്റ്റായ 9 എൻഎഇടി എന്ന വിമാനമാണ് കാണാതായത്. ഞായറാഴ്ച രാവിലെ 9.55നായിരുന്നു വിമാനം പുറപ്പെട്ടത്. ഇതിന് പിന്നാലെ തന്നെ റഡാർ പരിധികളിൽ നിന്നും കാണാതായി. വിമാനത്തിനായി ഹെലികോപ്റ്ററിലൂടെ തിരച്ചിൽ ആരംഭിച്ചിട്ടുണ്ട്.
പ്രഭാകർ പ്രസാദ് ഘിമിരേയായിരുന്നു പൈലറ്റ്. വിമാനത്തിൽ നാല് ഇന്ത്യക്കാരും മൂന്ന വിദേശികളുമുണ്ട്. ശേഷിക്കുന്ന യാത്രക്കാർ നേപ്പാൾ സ്വദേശികളാണ്.
