എറണാകുളം: നടിയെ ആക്രമിച്ച കേസിൽ കോടതിയ്ക്കെതിരെ മോശം പരാമർശം ഉന്നയിച്ച ഡബ്ബിംഗ് ആർട്ടിസ്റ്റ് ഭാഗ്യലക്ഷ്മിയ്ക്കെതിരെ നടപടി ആവശ്യപ്പെട്ട് ഹർജി. ഹൈക്കോടതി അഭിഭാഷകൻ ധനിലാണ് ഹർജിയുമായി എ.ജിയ്ക്ക് അപേക്ഷ നൽകിയത്. കോടതിയലക്ഷ്യ നടപടിയ്ക്ക് അനുമതി നൽകണമെന്നാണ് ഹർജിയിലെ ആവശ്യം.
നടിയെ ആക്രമിച്ച കേസിൽ കോടതി നേരത്തെ വിധി എഴുതി വച്ചുവെന്നായിരുന്നു ഭാഗ്യലക്ഷ്മിയുടെ പരാമർശം. ഇപ്പോൾ നടക്കുന്നത് നാടകമാണ്. പണമുള്ളവർക്ക് മാത്രമേ കോടതികളിൽ പോകാൻ സാധിക്കുകയുള്ളൂ. പാവപ്പെട്ടവൻ എല്ലാം കണ്ടും കേട്ടും സഹിച്ചും ജീവിക്കണം എന്നാണ് കോടതികൾ വിളിച്ചു പറയുന്നതെന്നും ഭാഗ്യലക്ഷ്മി പറഞ്ഞിരുന്നു.
