തൃക്കാക്കര : രാഷ്ട്രീയ കേരളം ഉറ്റുനോക്കുന്ന തൃക്കാക്കര ഉപതിരഞ്ഞെടുപ്പിൽ ജനവിധി അറിയാൻ ഇനി നിമിഷങ്ങൾ മാത്രം. വോട്ടെണ്ണൽ കേന്ദ്രമായ മഹാരാജാസ് കോളേജിൽ വോട്ടിങ് മെഷീനുകൾ സൂക്ഷിച്ചിരിക്കുന്ന സ്ട്രോങ് റൂം തുറന്ന് വോട്ടെണ്ണൽ ആരംഭിച്ചു.
ആദ്യ റൗണ്ട് വോട്ടെണ്ണൽ പൂർത്തിയായപ്പോൾ ഉമാ തോമസ് 2374 വോട്ടുകൾക്ക് മുന്നിലാണ്. രണ്ടാം റൗണ്ട് വോട്ടെണ്ണലിലും യുഡിഎഫ് തന്നെയാണ് മുന്നിൽ. പിടി തോമസിനേക്കാൾ ഇരട്ടി വോട്ടാണ് ഉമാ തോമസിന് ലഭിക്കുന്നത്. നാലാം റൗണ്ട് വോട്ടെണ്ണം നടക്കുമ്പോൾ 9467 ആണ് ഉമാ തോമസിന്റെ ലീഡ്
യുഡിഎഫ്- 23678
എൽഡിഎഫ്- 14653
എൻഡിഎ- 5201
ആദ്യം തപാൽ വോട്ടുകളാണ് എണ്ണുക. ആദ്യ എട്ട് റൗണ്ടുകളിലായി കോർപ്പറേഷൻ പരിധിയിലെ വോട്ടുകൾ എണ്ണും. മുഴുവൻ എണ്ണിത്തീർക്കാൻ 12 റൗണ്ട് വേണം. ഒരു റൗണ്ടിൽ 21 ബൂത്തുകളിലെ വോട്ടുകളാണ് എണ്ണുക. 239 ബൂത്തുകളാണ് തൃക്കാക്കര നിയോജകമണ്ഡലത്തിലുള്ളത്. ആദ്യ 11 റൗണ്ടുകളിൽ 21 ബൂത്തുകൾ വീതവും അവസാന റൗണ്ടിൽ എട്ട് ബൂത്തുകളും എണ്ണും.
വോട്ടെണ്ണൽ നടക്കുന്നത് ഇങ്ങനെ-
ഒന്നാം റൗണ്ട്- ഇടപ്പള്ളി, പോണേക്കര
രണ്ടാം റൗണ്ട്- ഇടപ്പള്ളി, മാമംഗലം, പാടിവട്ടം, അഞ്ചുമന, വെണ്ണല
മൂന്നാം റൗണ്ട്-വെണ്ണല, ചളിക്കവട്ടം, പാലാരിവട്ടം, പൊന്നുരുന്നി, മാമംഗലം
നാലാം റൗണ്ട്-പാലാരിവട്ടം, തമ്മനം, കാരണക്കോടം, പൊന്നുരുന്നി
അഞ്ചാം റൗണ്ട്- പൊന്നുരുന്നി, വൈറ്റില
ആറാം റൗണ്ട്- തൈക്കൂടം,വൈറ്റില, ചമ്പക്കര, കലൂർ
ഏഴാം റൗണ്ട്- കലൂർ, കടവന്ത്ര
എട്ടാം റൗണ്ട്-കടവന്ത്ര, പനമ്പള്ളി നഗർ, തൃക്കാക്കര സൗത്ത്, കാക്കനാട്
ഒൻപതാം റൗണ്ട്- തൃക്കാക്കര സൗത്ത്, കാക്കനാട്, തൃക്കാക്കര ഈസ്റ്റ്, എൻജിഒ ക്വാട്ടേഴ്സ്, മരോട്ടിച്ചോട്, പടമുഗൾ
പത്താം റൗണ്ട്-പാലച്ചുവട്, അയ്യനാട്, ചെമ്പുമുക്ക്
പതിനൊന്നാം റൗണ്ട്-തുതിയൂർ, കൊല്ലംകുടിമുകൾ, തെങ്ങോട്, തൃക്കാക്കര ഈസ്റ്റ്, കാക്കനാട്
പന്ത്രണ്ടാം റൗണ്ട്- കാക്കനാട്, ചിറ്റേത്തുകര, മാവേലിപുരം
അവസാനം എണ്ണുന്നത് തൃക്കാക്കര മുൻസിപ്പാലിറ്റിയിലെ വോട്ടുകളാണ്.
