മലയാളികൾ പ്രത്യേകിച്ച് മലബാറുകാർ പാചകത്തിനായി ഏറ്റവും കൂടുതൽ ഉപയോഗിക്കുന്ന ലോഹപാത്രമാണ് ചെമ്പ് പാത്രങ്ങൾ .നന്നായി ചൂട് സൂക്ഷിക്കുന്നതിനാൽ തന്നെ മലബാർ മേഖലയിലെ പ്രധാന വിഭവമായ ബിരിയാണി പ്രധാനമായും ചെമ്പ് പാത്രങ്ങളിലാണ് ഉണ്ടാക്കുന്നത്.
പണ്ട് എല്ലാവീടുകളിലും സാധാരണമായിരുന്ന ഈ ചെമ്പ് പാത്രങ്ങളുടെ ഗുണങ്ങൾ ഏറെയാണ്. ചെമ്പ് പാത്രങ്ങളിൽ സൂക്ഷിച്ചു വെയ്ക്കുന്ന വെള്ളം കുടിക്കുന്നത് ത്രിദോഷങ്ങളെ (വാതം,പിത്തം,കഫം,)ഒരു പരിധി വരെ നിയന്ത്രിക്കും എന്നാണ് ആയുർവേദം പറയുന്നത്.
ചെമ്പ് പാത്രങ്ങളിലെ വെള്ളം കുടിയ്ക്കുന്നത് കാൻസറിനെ പ്രതിരോധിക്കുന്നതായി പറയുന്നു. ചെമ്പിന് കാൻസറിനെ പ്രതിരോധിക്കാനുള്ള കഴിവുണ്ട്. ചെമ്പിന്റെ ആന്റി ഓക്സിഡന്റ് ഗുണങ്ങൾ ഫ്രീറാഡിക്കലുകളോട് പൊരുതുകയും അവ കാൻസറിനു കാരണമായേക്കാവുന്ന ദോഷഫലങ്ങളെ ഇല്ലാതാക്കുകയും ചെയ്യുമെന്നാണ് തില പഠനങ്ങൾ സൂചിപ്പിക്കുന്നത്.
ചെമ്പ് പാത്രത്തിൽ സംഭരിച്ചിരിക്കുന്ന വെള്ളം കുടിക്കാൻ തുടങ്ങിയാൽ ഗ്യാസ്, അസിഡിറ്റി, ദഹനക്കേട് തുടങ്ങിയ സാധാരണ ദഹന പ്രശ്നങ്ങൾ എല്ലാം ക്രമേണ ഇല്ലാതാകുന്നതാണ്.
ജരാനര അകറ്റുന്നു.ആന്റി ഓകിസിഡന്റ് ഗുണങ്ങൾ ഉള്ള ചെമ്പ് പുതിയ ആരോഗ്യമുള്ള കോശങ്ങളുടെ നിർമ്മിതിയിൽ സഹായിക്കുന്നു.പഴയ മൃതകോശങ്ങളെ നീക്കം ചെയ്യുന്നു. അങ്ങനെ പ്രായമാകൽ സാവധാനത്തിലാകുന്നു.
ഒരു ചെമ്പ് പാത്രത്തിൽ സൂക്ഷിച്ചിരിക്കുന്ന വെള്ളം വെള്ളം ദഹനം മെച്ചപ്പെടുത്താനും അനാവശ്യ കൊഴുപ്പ് കളയുവാനും സഹായിക്കും. ശരീരം അതിന് ആവശ്യമായ കൊഴുപ്പിന്റെ അളവ് ഉപയോഗിക്കുന്നുവെന്ന് ചെമ്പ് ഉറപ്പാക്കുന്നു, അതുവഴി ബാക്കിയുള്ള അനാവശ്യ കൊഴുപ്പ് ഒഴിവാക്കുകയും ചെയ്യുന്നതാണ്.
ചെമ്പ് ആന്റി വൈറൽ, ആൻറി ബാക്ടീരിയൽ, ഗുണങ്ങൾക്കും അണുബാധകൾ അകറ്റുവാനുള്ള കഴിവിനും പേരുകേട്ടതാണ്. മുറിവുകൾ വേഗത്തിൽ സുഖപ്പെടുത്താൻ ഈ ഗുണങ്ങൾ സഹായിക്കുന്നു. മാത്രമല്ല, ഇവ രോഗപ്രതിരോധ ശേഷി വർദ്ധിപ്പിക്കുകയും പുതിയ കോശങ്ങളുടെ ഉത്പാദനത്തിന് സഹായിക്കുകയും ചെയ്യുന്നു
