ന്യൂഡൽഹി: രാജ്യത്ത് വീണ്ടും കൊറോണ കേസുകളിൽ വർധന. കഴിഞ്ഞ ദിവസത്തേക്കാൾ 40 ശതമാനം അധികം രോഗികൾ ഇന്നും റിപ്പോർട്ട് ചെയ്തു. 7,240 കേസുകളാണ് ഇന്ന് റിപ്പോർട്ട് ചെയ്തത്. ഏറെ നാളുകൾക്ക് ശേഷമാണ് രാജ്യത്ത് ഏഴായിരത്തിലധികം പ്രതിദിന രോഗികൾ സ്ഥിരീകരിക്കുന്നത്. മഹാരാഷ്ട്രയിലും കേരളത്തിലുമാണ് ഏറ്റവുമധികം പ്രതിദിന രോഗികളുള്ളത്.
വൈറസ് വ്യാപനം കൂടിയതോടെ രാജ്യത്തെ സജീവ രോഗികളും വർധിച്ചു. നിലവിൽ 32,498 പേരാണ് ചികിത്സയിൽ കഴിയുന്നത്. കഴിഞ്ഞ 24 മണിക്കൂറിനിടെ എട്ട് മരണവും റിപ്പോർട്ട് ചെയ്തിട്ടുണ്ട്. ഇതോടെ ആകെ കൊറോണ മരണം 2,24,723 ആയി.
2701 കൊറോണ രോഗികളാണ് ഇന്നലെ മഹാരാഷ്ട്രയിൽ റിപ്പോർട്ട് ചെയ്തത്. കേരളത്തിൽ 2193 പുതിയ രോഗികളും സ്ഥിരീകരിച്ചു. എറണാകുളം (589), തിരുവനന്തപുരം (359) എന്നിവിടങ്ങളിലാണ് കൂടുതൽ കേസുകൾ റിപ്പോർട്ട് ചെയ്തിരിക്കുന്നത്. അഞ്ച് മരണവും ഇന്നലെ സംസ്ഥാനത്ത് റിപ്പോർട്ട് ചെയ്തിരുന്നു.
Comments