വാഷിംഗ്ടൺ: കാലുകളുടെ സംരക്ഷണത്തിനായും ഭംഗിയ്ക്കായും എല്ലാം നമ്മൾ ഉപയോഗിക്കുന്ന വസ്തുവാണ് പാദരക്ഷകൾ. തുകൽ മുതൽ ലോഹത്തിൽ വരെ നിർമ്മിച്ച പാദരക്ഷകൾ ഇന്ന് വിപണിയിൽ ലഭ്യമാണ്.ഷൂവിന്റെയും മറ്റു ചെരുപ്പുകളുടെയും ഗംഭീര കളക്ഷൻ ഉള്ളവർ വരെയുണ്ട്.
കുറച്ചുകാലം ഉപയോഗിച്ച പാദരക്ഷകൾക്ക് കേടു വന്നാൽ അത് മാറ്റി പുതിയത് വാങ്ങുന്നതാണ് രീതി. ഇങ്ങനെ ചെരുപ്പ് വാങ്ങി വാങ്ങി മടുത്ത യുവാവ് കണ്ടെത്തിയ വഴിയാണ് ഇപ്പോൾ സമൂഹമാദ്ധ്യമങ്ങളിൽ വൈറലാവുന്നത്.
നൈക്കിന്റെ ഷൂ കാലിൽ പച്ചകുത്തിയാണ് ഇയാൾ തന്റെ പ്രശ്നം പരിഹരിച്ചത്. മുൻപ് ഒരാൾക്ക് സിക്സ് പാക്ക് പച്ചകുത്തി നൽകിയ ടാറ്റു ആർട്ടിസ്റ്റായ ഡീൻ ഗുന്തറാണ് ഇയാൾക്ക് ടാറ്റു കുത്തി നൽകിയത്. ഷൂവിന്റെ ഔട്ട് ലൈൻ വരയ്ക്കാൻ 2 മണിക്കൂറും നിറം നൽകാൻ 8 മണിക്കൂറുമാണ് എടുത്തത്. ടാറ്റു കുത്തുന്നതിന്റെ വീഡിയോ ഇപ്പോൾ ട്വിറ്ററിൽ വൈറലാണ്. വിചിത്രം, പാദരക്ഷകളുടെ യഥാർത്ഥ ഉപയോഗം ഈ യുവാവിന് മനസിലായില്ല എന്നൊക്കെയാണ് കമന്റുകൾ വരുന്നത്.
Comments